Internet Explorer គឺជា Browser មួយសម្រាប់ឱ្យអ្នកប្រើប្រាស់អាចធ្វើការស្វែងរកក៏ដូចជាស្រាវជ្រាវអ្វីផ្សេងៗនៅលើអិនធឺណេតដែលត្រូវបានបង្កើតឡើងតាំងពីឆ្នាំ 1995 មកម្លេះដោយក្រុមហ៊ុន Microsoft ហើយថ្ងៃទី 15 ខែ មិថុនា នេះគឺជាថ្ងៃដែល Microsoft បានធ្វើការផ្អាកដំណើរការ Internet Explorer ដោយជំនួសវិញនូវ Microsoft Edge វិញម្តង។
ចំពោះការបិទនេះ Microsoft បានធ្វើការប្រកាសតាំងពីខែមុនមកម្លេះ ថានៅថ្ងៃទី15 ខែ មិថុនា Internet Explorer នឹងត្រូវបិទ ហើយចំពោះអ្នកប្រើប្រាស់ទាំងអស់នឹងបញ្ជូនទៅកាន់ Microsoft Edge វិញ ដែល Browser មួយត្រូវបានដាក់ឱ្យប្រើប្រាស់កាលពីឆ្នាំ2015។
IE retirement is coming 🔜, but the future of IE is in Microsoft Edge with Internet Explorer mode. Learn more here ⬇️https://t.co/B5CJCZ2rzB
— Microsoft Edge Dev (@MSEdgeDev) June 14, 2022យ៉ាងណាមិញចំពោះការដាក់ឱ្យប្រើប្រាស់ Microsoft Edge ជំនួស Internet Explorer នេះគឺដោយសារវាមានសុវត្ថិភាព ដំណើរការលឿន និងងាយស្រួលប្រើផ្ទុយទៅវិញបើទោះបីជា Microsoft បិទ IE ក៏ដោយក៏មិនសូវមានការប៉ះពាល់ដល់អ្នកប្រើប្រាស់ដែរ ព្រោះបើយោងតាមទិន្នន័យដែលបង្ហាញដោយ Statcounter បានបង្ហាញថា ចំនួនអ្នកប្រើប្រាស់ Chrome នៅលើលោកមាន 67%, ក្រោម 10%ប្រើ Safari, 9% Edge, 8% FireFox និង Opera ។
ដូច្នេះចាប់ពីស្អែកនេះតទៅ Internet Explorer លែងមានវត្តមានតទៅទៀតដោយជំនួនមកវិញនូវ Microsoft វិញម្តង។
អត្ថបទដោយ៖ រិន មករា
