អ្នកប្រើប្រាស់បណ្តាញសង្គមហ្វេសប៊ុកប្រាកដជាជួបមកហើយនូវបញ្ហាមួយនេះ ដោយពេលខ្លះយើង Add ទៅគេហើយតែគេមិនបាន Confirm យើងវិញ ដោយឡែកថ្ងៃនេះ Technology Cambodia នឹងនាំអ្នកទាំងអស់គ្នាចូលទៅឆែកមើលថាមានមនុស្សប៉ុន្មាននាក់ដែលយើងខំ Add ទៅហើយមិនទទួលយើងទៀត។
ខាងក្រោមនេះគឺជាវិធីសាស្រ្តសាមញ្ញៗដើម្បីចូលទៅឆែកមើលទាំងក្នុងកុំព្យូទ័រនិងទូរស័ព្ទ៖
សម្រាប់កុំព្យូទ័រ
- ចូលទៅកាន់គណនីរបស់អ្នក
- រួចចុចលើមុខងារ Friend
- បន្ទាប់មកចុចលើពាក្យ Friend Request
- នោះអ្នកនឹងឃើញអក្សរព័ណ៌ខៀវខាងក្រោមថា View Sent Requests
- ចុចលើពាក្យនោះអ្នកនឹងឃើញមុខទាំងអស់ថាអ្នកណាខ្លះមិនបាន Confirm អ្នក
សម្រាប់ទូរស័ព្ទ
- ចូលទៅកាន់គណនីរបស់អ្នក
- រួចចុចលើមុខងារ Friend ដូចគ្នា
- ហើយចុចលើពាក្យថា See All
- នោះអ្នកនឹងឃើញសញ្ញាត្រេបីខាងស្តាំលើគេ
- បន្ទាប់មកវានឹងលោតពាក្យ View Sent Request នៅខាងក្រោម
- ចុចលើពាក្យនោះអ្នកនឹងឃើញមុខទាំងអស់ហើយ
អត្ថបទដោយ៖ រិន មករា
