ប្រធានបទនេះរាងរវើរវាយពេកទេដឹង ទ្រឹស្ដីនៃការរស់នៅពិភពមួយដែលត្រូវគេបញ្ជារ ឬ សម្មតិកម្មពិភព Simulation ហ្នឹង 😅

🔎 សម្រាប់ Elon Musk ដែលជាសេដ្ឋីលេខ១លើពិភពលោក ហើយអាច ឬមិនអាចក្លាយជាម្ចាស់ Twitter ក្នុងពេលឆាប់ៗនេះ ធ្លាប់បាននិយាយនៅក្នុង Podcast 🎙 ជាមួយនឹងពិធីករល្បាញល្បី Joe Rogan លើកឡើងច្រើនគាំទ្រទ្រឹស្ដីមួយនេះ។

លោកបាននិយាយថា “ខ្ញុំគិតថាដូច្នោះ នេះគ្រាន់តែជារឿងដែលអាចកើតឡើងទេ ហើយវាមាន Simulations បែបនេះច្រើន ច្រើនមែនទែន” គាត់បន្តទៀតថា “អ្នកអាចនឹងហៅវាថាជាភាពពិត (Reality) ឬក៏អាចហៅថាពហុចក្រវាឡ (Multiverse)”។

💭 កាលពីឆ្នាំ ២០០៣ ទស្សនៈវិទូមួយរូបមកពីសាកលវិទ្យាល័យ Oxford លោក Nick Bostrom បានលើកជាទស្សនៈសរសេរក្នុងកិច្ចការស្រាវជ្រាវរបស់លោកថា ពិភពលោកដែលយើងយល់ថាពិតសព្វថ្ងៃនេះជា ពិភពដែលរៀបចំឡើងក្នុងកុំព្យូទ័រ បង្កើតដោយក្រុមភាវៈដែលមានអារ្យធម៌ខ្ពស់ជាងយើង ឬរស់នៅជាងយើងយូរណាស់ទៅទៀត។

ទស្សនៈវិទូដដែលនៅបន្ថែមទៀតថា ប្រសិនបើ Alien ដែលចូលចិត្តហើយពូកែខាងកុំព្យូទ័រមានពិតមែននោះ យើងកក៏ប្រហែលកំពុងរស់នៅក្នុងពិភពកុំព្យូទ័ររបស់គេដែរ។

👨‍🔬 ចំពោះលោក Neil Degrease Tyson ដែលជាអ្នកវិទ្យាសាស្ត្រដ៏មានប្រជាប្រិយភាពមួយរូប និង លោក David Kipping ដែលជាតារាវិទូនៅសាកលវិទ្យាល័យ Columbia សហរដ្ឋអាមេរិកបាននិយាយថា ទ្រឹស្ដីដែលលើកឡើងនេះ យើងអាចនឹងរស់នៅពិភពមួយដែលគេរៀបចំឡើង ឬគេបញ្ជារ ៥០-៥០។

📝 រីឯទស្សនាវដ្តីវិទ្យាសាស្ត្រដ៏ល្បីល្បាញរបស់អាមេរិក Scientific American ធ្លាប់ធ្វើការចុះផ្សាយអត្ថបទមួយក្រោមចំណងជើងធំៗ “ពិតណាស់! យើងពិតជារស់នៅក្នុង Simulation ពិតមែន”។

ត្បិតថាអត្ថបទនោះជាប្រភេទអត្ថបទប្រភេទការបញ្ចេញមតិរបស់អ្នកនិពន្ធ (Opinion) ក៏ពិតមែន តែទល្លីករណ៍ដែលលើកឡើងនៅក្នុងអត្ថបទមានសភាព សមហេតុផលច្រើន។

វីដេអូបកស្រាយ៖

តោះយល់យ៉ាងណាដែរសម្រាប់ការលើកឡើង ឬសម្មតិកម្មមួយនេះ គិតថាយើងកំពុងរស់នៅក្នុងពិភព Simulation ដែរឬទេ? ខមិនបន្តិចមក

អត្ថបទដោយ៖​ Sakada Techie