អ្នកប្រើប្រាស់កុំព្យទ័រមួយចំនួនប្រាកដជាធ្លាប់ជួបមកហើយ នូវបញ្ហាដើរយឺតឬក៏គាំងពេលដែលកំពុងធ្វើការផ្សេងៗ ហើយបញ្ហាមួយនេះវាបណ្តាលមកកត្តាជាច្រើនបូករួមជាមួយនឹងគ្រឿងបង្គុំរបស់កុំព្យូទ័រអ្នកផងដែរ។
ដោយឡែកថ្ងៃនេះ Technology Cambodia នឹងនាំអ្នកទាំងអស់គ្នាទៅដឹងពីវិធីមួយចំនួនដែលវានឹងអាចជួយឱ្យកុំព្យូទ័ររបស់អ្នកមានដំណើរការលឿនជាងមុន ដើរស្រួលជាងមុន ងាយស្រួលធ្វើការ។
1,លុបកម្មវិធីមិនដែលប្រើចោល
កម្មវិធីដែលបានដំឡើងនៅលើកុំព្យូទ័ររបស់យើងច្រើន គឺអាចធ្វើឱ្យប្រព័ន្ធដំណើរការកុំព្យូទ័រធ្លាក់ចុះ ដូច្នេះប្រសិនបើ កម្មវិធីដែលបានដំឡើងហើយទុកចោលមិនដែលប្រើ យើងគួរតែលុបវាចោល។
2,លុបហ្វាល់ដែលគ្មានប្រយោជន៍ចោល
ចំពោះហ្វាល់ទាំងអស់នេះបើអ្នកទុកចោលយូរ វាក៏អាចធ្វើឱ្យកុំព្យូទ័ររបស់អ្នកដើរយឺតផងដែរ ហើយអ្នកក៏អាចចូលទៅលុបហ្វាល់ទាំងអស់នោះតាមវិធីខាងក្រោមបានផងដែរ។
- សម្រាប់ Shortcut ចុចប៊ូតុង Window+R
- រួចវាយពាក្យថា %temp% ហើយធ្វើការចូលទៅលុបវាចោលទាំងអស់
- ដោយចុច Ctr+A ហើយចុច Shift+Delete ដើម្បីកុំឱ្យវាចូលក្នុងធុងសម្រាប់មួយតង់ទៀតជាការស្រេច
3,បិទចោលAuto-Launching programs
គឺជាការបិទរាល់កម្មវិធីដែលវាតែងតែលោតមករាល់ពេលដែលយើងបើកកុំព្យូទ័រ ដូច្នេះប្រសិនបើមានកម្មវិធីលោតមកច្រើននោះវានឹង ធ្វើឱ្យកុំព្យូទ័ររបស់អ្នកដើរយឺតថែមមួយកម្រិតទៀត។ ហើយខាងក្រោមនេះគឺជារបៀបចូលទៅបិទ។
អត្ថបទដោយ៖ រិន មករា
