ដូចដែលអ្នកធ្លាប់បានដឹងរួចមកហើយ កាលពីដើមខែកន្លងទៅមានព័ត៌មានបែកធ្លាយជាច្រើនទាក់ទងជាមួយនឹងស្មាតហ្វូនអេក្រង់បត់៣តង់របស់ក្រុមហ៊ុន Huawei (Tri Folding Device) ដែលគេល្បីថានឹងចេញនៅខែក្រោយនេះ ប៉ុន្តែថ្មីៗនេះមានព័ត៌មានបែកធ្លាយមួយទៀតថា Xiaomi ក៏ត្រៀមបញ្ចេញស្មាតហ្វូនអេក្រង់បត់៣តង់ដែរ។
យោងទៅតាម GSMARENA បានឲ្យដឹងថា Xiaomi ក៏កំពុងតែអភិវឌ្ឍលើស្មាតហ្វូនអេក្រង់បត់៣តង់ដែរ ហើយសម្រាប់ស្មាតហ្វូនអេក្រង់បត់ថ្មីនេះគេរំពឹងថាវាអាចស្ថិតនៅក្នុងត្រកូល Mi Mix លើសពីនេះទៅទៀតយើងអាចនឹងឃើញរូបរាងពិតឬក៏ជា Prototype នៃស្មាតហ្វូនប្រភេទនៅក្នុងខែកុម្ភៈឆ្នាំ២០២៥នេះហើយ ដែលគេអាចនឹងបង្ហាញនៅក្នុងព្រឹត្តិការ MWC(Mobile World Congress) ។
យ៉ាងណាមិញសម្រាប់ព័ត៌មានលម្អិតផ្សេងៗទៀតអំពីកំពូលស្មាតហ្វូនប្រភេទនេះ ខាង Xiaomi នៅពុំទាន់មានការបង្ហាញព័ត៌មានជាក់លាក់ណាមួយនៅឡើយនោះទេ ដូច្នេះយើងមានតែរង់ចាំមើលព្រឹត្តិការណ៍ MWC នៅក្នុងដើមឆ្នាំ២០២៥ ខាងមុខនេះ។
អត្ថបទដោយ៖ រិន មករា
