Xiaomi ទើបតែប្រកាសនូវប្រព័ន្ធប្រតិបត្តិការរបស់ខ្លួនថ្មីឈ្មោះថា HyperOS ដោយបានបញ្ជាក់ផងដែរថា ហ្វេន Mi អាចនឹងទទួលបានបទពិសោធនៃ HyperOS នេះពេញលេញនៅលើ Xioami 14 Series ហើយ HyperOS នេះដែរ នឹងក្លាយជា OS ជំនួសឱ្យ MIUI ដែលមានវត្តមាន ១៣ ឆ្នាំកន្លងមកនេះ។
យ៉ាងណាសម្រាប់ HyperOS ថ្មីនេះ ត្រូវបានគេដឹងថា Xiaomi មិនមែនធ្វើឡើងសម្រាប់តែ Smartphone នោះទេ ប៉ុន្តែធ្វើតម្រូវផលិតផលរបស់ខ្លួនលើសពី Smartphone ចងជា Ecosystem រាប់តាំងតែពីឡាន ឧបករណ៍ឆ្លាតវៃនៅផ្ទះ និង ឧបករណ៍ជាច្រើនទៀត។
នាយកប្រតិបត្តិក្រុមហ៊ុន Xiaomi លោក Lei Jun បានសរសេរឱ្យដឹងនៅលើបណ្ដាញសង្គម X ថា៖ “នៅឆ្នាំ ២០១៤ ពេលអាជីវកម្ម IoT ចាប់ផ្ដើមលេចរូបរាងឡើងនោះ យើងចាប់ផ្ដើមសិក្សារស្វែងយល់ក្នុងការអភិវឌ្ឍ និង បញ្ជាក់។ នៅឆ្នាំ ២០១៧ ការស្រាវជ្រាវ និង អភិវឌ្ឍនូវប្រព័ន្ធថ្មីមួយត្រូវបានដាក់សម្ពោធជាផ្លូវការទៅលើគ្រប់ឧបករណ៍ស្ថិតក្នុងប្រព័ន្ធអេកូឡូស៊ីរបស់យើង”។
Today marks a historic moment. After years of collective work, our new operating system, #XiaomiHyperOS, is set to make its official debut on #Xiaomi14Series. pic.twitter.com/bNJqIyD8y0
— Lei Jun (@leijun) October 17, 2023
បើទោះជាមានការប្រកាសពី HyperOS នេះ និង គម្រោងក្នុងការដាក់នៅលើ Xiaomi 14 ក៏ពិតមែន ប៉ុន្តែយើងមិនបានឃើញនូវរូបរាងថា ទំនើប ឬឡូយបែបណានៅឡើយទេ។
