BYD បានប្រកាសជាផ្លូវការអំពីការផលិតរថយន្តអគ្គិសនី Song Plus ដល់លេខរៀងទី ១,០០០,០០០ហើយដោយ ស៊េរី BYD Song Plus រួមមានទាំងVersion អគ្គិសនីពេញលេញ និង Version អ៊ីប្រីត (DM-i) ដែលលក់នៅអឺរ៉ុបក្រោមឈ្មោះ Seal U។បើកដំណើរការអស់រយៈពេលជិតបីឆ្នាំកន្លងមកនេះ ស៊េរី Song Plus បានឈានដល់ការលក់លើស ១ លានគ្រឿងយ៉ាងឆាប់រហ័ស ក្លាយជារថយន្ត SUV ថាមពលថ្មីដំបូងគេរបស់ប្រទេសចិនដែលសម្រេចបាននូវសមិទ្ធផលនេះ។
ប្រកាសចេញកាលពីឆ្នាំ ២០២០ ជា SUV ទំហំមធ្យមស្ថិតនៅក្រោម BYD Tang Song Plus ដំបូងមានម៉ាស៊ីនចំហេះខាងក្នុង បន្ទាប់មក កំណែទៅជា plug-in hybrid (Song Plus DM-i) និងអគ្គិសនីសុទ្ធ (Song Plus EV) វាត្រូវបានចេញលក់នៅដើមឆ្នាំ ២០២១ នៅប្រទេសចិន។
BYD បានបញ្ឈប់ Version ប្រេងសាំងនៅឆ្នាំ ២០២២ ដើម្បីផ្តោតតែលើរថយន្តថាមពលថ្មីប៉ុណ្ណោះ។ខ្សែស្រឡាយ Song Plus ត្រូវបានធ្វើការអាប់ដេតជាមួយនឹងកំណែ Champion Edition កាលពីឆ្នាំមុន ដែលមានការកែលម្អរូបរាងដោយជំនួសនិមិត្តសញ្ញា Song (宋) ដោយឡូហ្គូ BYD និងប្រើប្រាស់កិនបិទជិតស្របតាមស៊េរី Ocean របស់ BYD។
នៅថ្ងៃទី ២៥ ខែកក្កដា BYD បានដាក់ឱ្យដំណើរការ Song Plus DM-i 2025 ដែលមានបច្ចេកវិទ្យា Powertrain DM ជំនាន់ទី ៥ របស់ក្រុមហ៊ុន។ មានរូបរាងខាងក្រៅស្រដៀងនឹងម៉ូដែលឆ្នាំមុន កំណែថ្មីនេះមានចម្ងាយផ្លូវសរុបរហូតដល់ ១,៥០០ គ.ម ជាមួយនឹងការប្រើប្រាស់ប្រេងឥន្ធនៈត្រឹមតែ ៣,៩ លីត្រក្នុងចម្ងាយផ្លូវ ១០០ គ.ម។ នេះតំណាងឱ្យការកើនឡើង ២៥% នៃចម្ងាយផ្លូវពីជំនាន់មុន ដែលមានចម្ងាយផ្លូវសរុប ១,២០០ គ.ម និងការប្រើប្រាស់ប្រេងឥន្ធនៈ ៤,៥ លីត្រក្នុង ១០០ គ.ម។
ម៉ូដែលឆ្នាំ ២០២៥ ប្រើប្រាស់ថ្មប្រភេទBlade Battery របស់ BYD ១៨,៣ kWh និង ២៦,៦ kWh ដូចគ្នានឹងម៉ូដែលបច្ចុប្បន្ន ដោយផ្តល់នូវចម្ងាយផ្លូវអគ្គិសនីសុទ្ធ ១១២ គ.ម និង ១៦០ គ.ម រៀងគ្នា ដោយផ្អែកលើការវាស់វែង CLTC។
សម្រាប់ទំហំនៅតែមិនមានការផ្លាស់ប្តូរទៅណាទេ ពោលនៅរក្សារ ៤៧៧៥/១៨៩០/១៦៧០ មម ជាមួយនឹងចន្លោះកង់ ២៧៦៥ មម។
ស៊េរី Song Plus គឺជាខ្សែស្រឡាយដែលទទួលបានជោគជ័យបំផុតមួយរបស់ BYD ដោយមានរោងចក្រផលិតនៅប្រទេសចិន (Xi'an) និងអ៊ូហ្សបេគីស្ថាន។ Song Plus EV ត្រូវបានណែនាំនៅអឺរ៉ុបនៅឆ្នាំ ២០២៣ បន្ទាប់មកដោយម៉ូដែល plug-in hybrid នៅឆ្នាំ ២០២៤។ នៅឆ្នាំនេះ ម៉ូដែល plug-in hybrid ក៏ត្រូវបានដាក់លក់នៅអូស្ត្រាលី ញូវហ្សេឡង់ និងហ្វីលីពីនផងដែរ។ នៅពាក់កណ្តាលដំបូងនៃឆ្នាំ ២០២៤ ការលក់សរុបនៃម៉ូដែល plug-in និងអគ្គិសនីសុទ្ធបានឈានដល់ ២២៤,៦៥៦ គ្រឿង។