កាលពីពេលថ្មីៗនេះខាងក្រុមហ៊ុនអាល្លឺម៉ង់ Volkswagen បានទម្លាយពីទិន្នន័យចំនួនអ្នកកក់លើរថយន្តអគ្គិសនី ID Buzz ចំនួន ១០០០០ គ្រឿង ខណ:ពេលដែល VW បានកំណត់ចំនួនផលិតតែ ១៥០០០ គ្រឿងតែប៉ុណ្ណោះក្នុងឆ្នាំ២០២២ នេះបើយោងតាម Automobilwoche ។
យ៉ាងណាមិញ ក្នុងចំណោមអ្នកកក់១០០០០ គ្រឿងនោះ មានប្រជាជនរបស់ប្រទេសន័រវេសមានអ្នកកក់ច្រើនជាងគេគឺ ៣៤០០គ្រឿង បន្ទាប់មកគឺជាប្រទេសអាល្លឺម៉ងជាស្រុកកំណើតខ្លួនផ្ទាល់ក៏មានចំនួនអ្នកកក់រហូតដល់ ២៥០០គ្រឿងផងដែរ។ ដោយឡែករថយន្តប្រភេទ Minivan នេះ មានប្រវែង ៤៧១២មម ទទឹង១៩៨៥មម និងប្រវែងពីកង់សងខាងមានចំនួន ២៩៨៨មម ។
ចំពោះ ID Buzz គឺជារថយន្តដើរដោយអគ្គិសនីប្រើដោយម៉ូទ័រ ១ គ្រាប់ Single-Motor អាចផលិតកម្លាំងបាន ២១០ សេះនិងបំពាក់ជាមួយកញ្ចប់អាគុយថាពល ៧៧ គីឡូវ៉ាត់ក្នុង១ម៉ោង ដោយអាចរត់ចម្ងាយបានឆ្ងាយបំផុត ៤១៣ គីឡូម៉ែត្រឯណោះ ។ រីឯរយ:ពេលនៃការបញ្ចូលថ្មតាមរយ:ប្រភពថាមពលល្បឿនលឿន ១៧០គីឡូវ៉ាត្រ ចន្លោះពី ៥ ទៅ ៨០ ចំណាយពេលតែ ៣០នាទី តែប៉ុណ្ណោះ។
គួរបញ្ជាក់ផងដែរថា ចំពោះតម្លៃរបស់រថយន្តអគ្គិសនី ID Buzz គឺត្រូវបានបែងចែកជាពីរប្រភេទ ដោយ ID Buzz Life មានតម្លៃខ្ទង់ ៦៧០០០ដុល្លារ និង ID Buzz style មានតម្លៃ ៧៣០០០ដុល្លារ ៕
អត្ថបទដោយ៖ ព្រឹម ភក្តី
