គិតត្រឹមម៉ោង ១២ រំលងអាធ្រាត្រថ្ងៃ ២៨ មីនា ឆ្នាំ២០២៥ នៅប្រទេសមីយ៉ាន់ម៉ា មានចំនួនមនុស្សស្លាប់សរុប ១៤៤ នាក់, អ្នករបួសកើនដល់ ៧៣២ នាក់ និងប្រទេសថៃ, ស្លាប់សរុប ១០ នាក់, បាត់ខ្លួនសរុប ១០១ នាក់ (ពុំទាន់រកឃើញ)។
យ៉ាងណាមិញ កាលពីថ្ងៃសុក្រ ទី២៨ ខែមីនា ឆ្នាំ២០២៥ យោងតាមការចុះផ្សាយជាសាធារណៈ INQUIRERnet ពីវ៉ាស៊ីនតោន សហរដ្ឋអាមេរិក - ប្រធានាធិបតី ដូណាល់ ត្រាំ សហរដ្ឋអាមេរិកនឹងជួយមីយ៉ាន់ម៉ា បន្ទាប់ពីប្រទេសនេះរងគ្រោះដោយគ្រោះរញ្ជួយដីដ៏ធំមួយ បន្ទាប់ពីមានការអំពាវនាវដ៏កម្រមួយសម្រាប់ជំនួយពីសំណាក់ក្រុមយោធាដែលកំពុងកាន់អំណាចនៅក្នុងប្រទេសអាស៊ីអាគ្នេយ៍មួយនេះ។
«វាពិតជាអាក្រក់មើលណាស់ ពួកយើងនឹងជួយ» លោក ត្រាំ បានប្រាប់អ្នកសារព័ត៌មានបែបនេះនៅក្នុងការិយាល័យ សេតវិមាន អំពីគ្រោះរញ្ជួយដី នៅពេលដែលអ្នកសារព័ត៌មានម្នាក់ត្រូវបានសួរថា តើលោកនឹងឆ្លើយតបទៅនឹងការអំពាវនាវរបស់មេដឹកនាំយោធាមីយ៉ាន់ម៉ាដែរឬទេ?
លោក Trump "យើងបាននិយាយជាមួយប្រទេសមីយ៉ាន់ម៉ារួចហើយ" ពីគ្រោះរញ្ជួយដីដ៏ធំដែលមានកម្រិត ៧,៧រ៉ិចទ័រ បានវាយប្រហារមីយ៉ាន់ម៉ា និងថៃ កាលពីថ្ងៃសុក្រ ដោយបានសម្លាប់មនុស្សជាង ១៥០នាក់ និងធ្វើឱ្យរងរបួសរាប់រយនាក់។ លោក Trump ពិតជាបានទទួលសារសុំជំនួយនោះពីខាងមីយ៉ាន់ម៉ាហើយ ដែលអាមេរិកត្រៀមខ្លួនរួចជាស្រេចក្នុងការជួយដល់មីយ៉ាន់ម៉ា។
គូសបញ្ជាក់ផងដែរថា ត្រឹមវេលាម៉ោង ១២ រសៀលថ្ងៃទី ២៩ ខេមីនា ឆ្នាំ២០២៥
- ប្រទេសមីយ៉ាន់ម៉ា អ្នកបាត់បង់ជីវិតឡើងដល់ ៦៩៤ នាក់ និងរបួស ១៦៧០ នាក់ (ប្រភព: Reuters)
- ប្រទេសថៃអ្នកបាត់បង់ជីវិត ១០ នាក់ , រងរបួស ១៦ នាក់និងកំពុងជាប់ ១០១ នាក់ (ប្រភព: Bangkok Post)
- អង្គការសហប្រជាជាតិបានអនុម័តថវិកាចំនួន ៥ លានដុល្លារក្នុងការផ្តល់ជំនួយសង្គ្រោះបន្ទាន់
- ប្រទេសចិន ឥណ្ឌា និងរុស្ស៊ីបានបញ្ជូនក្រុមជួយសង្គ្រោះបន្ទាន់ និងជំនួយ។
សម្រួលអត្ថបទឡើងវិញដោយ : ងួន ឃុនណា
