លោក Akio Toyoda ដែលជាប្រធាននាយកប្រតិបត្តិ ហៅកាត់ថា CEO នៃក្រុមហ៊ុន Toyota ដែលបានកាន់តំណែងជាប្រធានក្រុមហ៊ុននេះអស់ ១៣ឆ្នាំ ពេលនេះគាត់បានលាលែងពីតំណែងជា CEO ដើម្បីតែប្រយោជន៍ធំរបស់ក្រុមហ៊ុន។
យោងតាមការចុះផ្សាយពីប្រភព CNBC បានឲ្យដឹង កាលពីថ្ងៃទី២៦ ខែមករា ថាក្បាលម៉ាស៊ីនដឹកនាំធំរបស់ក្រុមហ៊ុន Toyota លោក Akio Toyota បានចុះកិច្ចព្រមព្រៀងនឹងលាលែងពីតំណែងជា ប្រធាននាយកប្រតិបត្តិនៃក្រុមហ៊ុន Toyota ក្នុងអាយុ ៦៦ឆ្នាំ នៅថ្ងៃទី០១ ខែមេសា ឆ្នាំ២០២៣ ។
បន្ទាប់ពីចេញពីតំណែងប៉ុនរាជបល្ល័ង្កនេះ លោក Toyoda មិនបានចេញទៅណាឡើយ ពោលគឺរូបលោក បបានទៅកាន់តំណែងមួយក្នុងក្រុមហ៊ុន ជាប្រធានក្រុមប្រឹក្សាជាន់ខ្ពស់ ខណ:ដែលម្ចាស់តំណែងចាស់ គឺលោក Takeshi Uchiyamada នឹងក្លាយជាសមាជិកនៃក្រុមប្រឹក្សាវិញម្តង ។
ចំណែកឯ អ្នកដែលត្រូវមកជំនួសតំណែងធំជាCEO បន្តវេនពី លោក Toyoda នោះ គឺជា លោក Koji Sato វ័យ ៥៣ឆ្នាំ កាលពីតំណែងគាត់ពីមុន ជាអ្នកដឹកនាំ Toyota Lexus និង GAZOO ជាផ្នែកមួយនៃក្រុមហ៊ុនឡានបែបប្រណាំង។
គួរជំរាបផងដែរថា លោក Akio Toyoda មានអាយុ ៦៦ឆ្នាំ រូបលោកបានឡើងកាន់តំណែងជាប្រធាននាយកប្រតិបត្តិ Toyota តាំងពីឆ្នាំ២០០៩ មកម្លេះ ហើយគាត់បានកាន់តំណែងនេះអស់ ១៣ឆ្នាំ។ សម្រាប់សមិទ្ធផលធំជាងគេដែលគាត់បានប្រគល់ឲ្យ Toyota នោះ ជាគម្រោងការផលិតរថយន្តអគ្គិសនីឲ្យបាន ៣០ម៉ូដែលឲ្យបានត្រឹមឆ្នាំ២០៣០ ៕
អត្ថបទដោយ៖ ព្រឹម ភក្តី
