ជាផ្លូវការ នាយកប្រតិបតិ្តនិងប្រធានក្រុមហ៊ុន Toyota លោក Akio Toyoda បានប្រកាសឲ្យសាធារណជនបានឲ្យដឹងកាលពីថ្ងៃទី១ មេសា ឆ្នាំ២០២៣ គាត់សម្រេចចិត្តចុះចេញពីតំណែងជា CEO នៃក្រុមហ៊ុន Toyota Motor Corp ចាប់ពីថ្ងៃប្រកាសតទៅ ដោយឲ្យបន្តវេន លោក Koji sato ឡើងមកកាន់តំណែងជំនួសវិញម្តង។ នេះបើយោងតាមប្រភពពី CNBC ។
ប្រភពដដែលបានឲ្យដឹងថា លោក Koji sato បច្ចុប្បន្នគាត់មាន វ័យ ៥៣ឆ្នាំ ធ្លាប់ដឹកនាំនូវក្រុមហ៊ុន Toyota Lexus និងកាន់តំណែងប្រធានក្រុមហ៊ុន GAZOO ជាក្រុមហ៊ុនផ្តោតលើការផលិតរថយន្តប្រណាំង នៅឆ្នាំ២០២០។
ដោយឡែក សម្រាប់លោក Toyoda វិញ គឺថា គាត់មិនទាន់ទៅណាឆ្ងាយពី Toyota ទេ ដោយគាត់បានទៅចាប់តំណែងជាប្រធានក្រុមប្រឹក្សាថ្មី ខណ:ដែលបច្ចុប្បន្នមុខតំណែងនេះ លោក Takeshi Uchiyamada ជាអ្នកកាន់។
អត្ថបទ៖ ព្រឹម ភក្តី
