ជាទូទៅមូលហេតុចម្បងបំផុតដែលធ្វើឱ្យទូរស័ព្ទចុះថ្មខ្លាំង គឺការបើកចោលមុខងារស៊ីថាមពល ដែលភាគច្រើនអ្នកបើកចោលមិនបានដឹងខ្លួនឡើយ ហើយធ្វើឲ្យទូរស័ព្ទកាន់តែក្តៅទោះបីជាប្រើត្រឹមរយៈពេលខ្លីក៏ដោយ។
ខាងក្រោមនេះជាមុខងារ ២ ដែលធ្វើឲ្យស៊ីថ្មខ្លាំងបំផុត៖
១./ Background App Refresh ឬកម្មវិធីដំណើរការនៅផ្ទៃខាងក្រោយ
- កម្មវិធីដូចជា៖ Facebook, Instagram, Email, ឬ News ជាច្រើននៅតែបន្តដំណើរការលួចលាក់នៅផ្ទៃខាងក្រោយ ទោះបីជាអ្នកបានបិទវាហើយក៏ដោយ។ វាធ្វើការ Update ព័ត៌មាន, Check ទីតាំង, ទាញយក ទិន្នន័យ, និង ផ្ញើ Notifications ជាប់ជានិច្ចដែលវាតែងតែលោតមកលើអេក្រង់ទូរស័ព្ទ។
- វិធីដោះស្រាយ៖ ចូលទៅក្នុងការកំណត់ (Settings) របស់ទូរស័ព្ទអ្នក ហើយបិទ ឬ កំណត់ត្រឹមតែកម្មវិធីសំខាន់ៗ (ដូចជាកម្មវិធី Chat ឬ Email ដែលអ្នកត្រូវការ) សម្រាប់មុខងារ Background App Refresh។
២./ Location Services (GPS) សម្រាប់កម្មវិធីមិនចាំបាច់
- នៅពេលដែលមុខងារកំណត់ទីតាំង (GPS) ត្រូវបានបើកសម្រាប់កម្មវិធីណាមួយ ទូរស័ព្ទត្រូវ ប្រើកម្លាំងខ្លាំងដើម្បីស្វែងរកសញ្ញាផ្កាយរណប និងតាមដានទីតាំងរបស់អ្នកជានិច្ច។ កម្មវិធីមួយចំនួនដូចជា Weather, Delivery, ឬ Game មួយចំនួនតែងតែទាមទារទីតាំង។
- ដំណោះស្រាយ៖ ចូលទៅកាន់ Settings + Location+ Privacy+ Location Services រួចកំណត់កម្មវិធីនីមួយៗឲ្យប្រើទីតាំងត្រឹមតែ "ពេលប្រើប្រាស់កម្មវិធីប៉ុណ្ណោះ(While Using the App) ឬ "កុំប្រើ" (Never) សម្រាប់កម្មវិធីដែលមិនពាក់ព័ន្ធ។
គន្លឹះបន្ថែមដើម្បីសន្សំថ្ម៖
- ពន្លឺអេក្រង់ (Screen Brightness)៖ អេក្រង់គឺជាផ្នែកដែលស៊ីថ្មខ្លាំងបំផុត។ គួរតែ បន្ថយពន្លឺ ឬ បើកមុខងារ Auto-Brightness (លៃតម្រូវដោយស្វ័យប្រវត្តិ)។
- បិទ Wi-Fi / Bluetooth / Mobile Data៖ ត្រូវបិទវាចោល នៅពេលដែលអ្នក មិនប្រើប្រាស់ ដើម្បីកុំឲ្យទូរស័ព្ទខាតថាមពល។
- កម្ដៅ (Temperature)៖ ចៀសវាងទុកទូរស័ព្ទនៅកន្លែងដែល ក្ដៅខ្លាំង ដូចជាក្នុងឡាន ឬក្រោមពន្លឺថ្ងៃ ព្រោះកម្ដៅធ្វើឲ្យថ្មឆាប់ចុះខូចគុណភាព។
