នេះជា 2015 Ford F650 Extreme 6 Door រថយន្តនេះគឺជារថយន្តធំ ដែលត្រូវរៀបចំឡើងវិញ ដោយផ្អែកលើប្លាតហ្វម Ford F650។ វាមានទ្វារចំនួន 6 ដែលធ្វើឱ្យវាមានទំហំធំខ្លាំង ហើយវាក៏មានជម្រើសច្រើនទំនើប រួមមានផ្ទៃខាងក្នុងធំទូលាយ។Ford F650 Extreme 6 Door នេះ តាមបច្ចេកទេសភាគច្រើនវាត្រូវបានប្ដូរជាមួយម៉ាស៊ីនដែលមានកម្លាំងខ្លាំងនិងប្រអប់លេខតាមចំណង់ចំណូលចិត្តរបស់ម្ចាស់។ ហើយសម្រាប់ម៉ាស៊ីនជាទូទៅវាមានពីជម្រើសសម្រាប់យកមកដាក់ដើម្បីអូសទួររបស់វាដែលមានទំហំធំបែបនេះ។

1.ម៉ាស៊ីន Power Stroke V8 Diesel 6.7 លីត្រ ដែលមានកម្លាំងប្រមាណ 330 ទៅ 350 សេះ និងបង្កើនកម្លាំងរមួល (Torque) (ប្រមាណ 1,015 ន្យូតង់ម៉ែត្រ)។
2.ម៉ាស៊ីន 6.8 លីត្រ Triton V10 Gasoline(សាំង) ដែលផលិតកម្លាំងប្រមាណ 320 សេះ និងបង្កើនកម្លាំងរមួល (ប្រមាណ 624 ន្យូតង់ម៉ែត្រ)។
ប្រអប់លេខ 6-speed automatic transmission, ដែលផ្តល់ភាពងាយស្រួលក្នុងការបើកបរជាក់ស្តែង និងស្ថានភាពនៅលើផ្លូវ។ Ford F650 Extreme 6 Door ស្ថិតក្នុងប្រភេទរថយន្តធំដែលស៊ីខ្លាំង បន្ទាប់មកនឹងមានការស៊ីម៉ាស៊ូតខុសគ្នា អាស្រ័យលើម៉ាស៊ីនដែលបានជ្រើសរើស និងការប្រើប្រាស់បន្ទាប់ពីការប្ដូរប្រព័ន្ធផ្នែកផ្សេងៗ។

បើនិយាយពីទិន្នន័យច្បាស់លាស់សម្រាប់ការស៊ីម៉ាស៊ូតរថយន្តដែលបានប្ដូរខ្លួននេះក៏ដោយ ប៉ុន្តែ Ford F650 ស្តង់ដា ដែលបំពាក់ម៉ាស៊ីន Power Stroke V8 Diesel 6.7 លីត្រ អាចស៊ីប្រេងប្រមាណជា 8 ទៅ 12 លីត្រ សម្រាប់ចម្ងាយ 100 គ.ម. (នៅក្នុងលក្ខខណ្ឌផ្លូវធម្មតា)។ ចំនួននេះអាចនឹងខ្ពស់ជាងនេះសម្រាប់ការប្ដូរផ្នែកទំហំ និងសមត្ថភាពដ៏ខ្លាំងរបស់រថយន្ត F650 Extreme 6 Door។ ចឹងបើគិរលេងៗអោយសាកសំនិងមាឌហោចណាស់ក៏ 12-18 លីត្រអីដែរក្នុងសម្ងាយ 100Km។ សម្រាប់សមត្ថភាពនៃការផ្ទុកវិញគឺ ចន្លោះពី 5,440 ទៅ 7,711 គីឡូក្រាម​ 
ហើយទំហំរថយន្តវិញ ប្រវែង 8.5 ម៉ែត្រ ទទឹង 2.4 ម៉ែត្រ កម្ពស់ 3.0 ម៉ែត្រ។ ប្រព័ន្ធគ្រឿងក្រោម (Suspension System) សម្រាប់ Ford F650 Extreme 6 Door ត្រូវបានប្ដូរផ្នែក និងធ្វើឱ្យមានភាពរឹងមាំខ្ពស់ ដើម្បីគ្រប់គ្រងទម្ងន់ធ្ងន់ និងផ្តល់នូវផាសុកភាពក្នុងការបើកបរ។ 

តម្លៃសម្រាប់ 2015 Ford F650 Extreme 6 Door ដែលត្រូវបានប្ដូរផ្នែកពេញលេញអាចស្ថិតនៅចន្លោះ $150,000 ដល់ $200,000 ដុល្លារ ឬក៏ខ្ពស់ជាងនេះ បើមានការបន្ថែមប្រព័ន្ធឧបករណ៍ទំនើបផ្សេងៗ។