យីហោស្មាតហ្វូន TECNO កំពុងល្បីនិងអង្រួនទីផ្សារស្រុកខ្មែរ មានលុយក្រោម១០០ដុល្លារក៏ទិញបាន
Makara Rin
MARCH 10 2023
អាជីវកម្ម
189 views
1 min read

បច្ចុប្បន្នយីហោស្មាតហ្វូននៅក្នុងស្រុកខ្មែរគឺមានច្រើន ដោយស្មាតហ្វូនមួយចំនួនមានតម្លៃធូរថ្លៃរីឯស្មាតហ្វូនមួយចំនួនទៀតក៏មានតម្លៃថ្លៃទៅតាមប្រភេទផ្សេងៗ។ ដោយឡែកមានយីហោស្មាតហ្វូនមួយដែលនាំចូលដោយកូនខ្មែរ និងកំពុងតែអង្រួនទីផ្សារផងនោះគឺ យីហោ TECNO ដែលកំពុងតែមានការចាប់អារម្មណ៍ពីសំណាក់អ្នកប្រើប្រាស់ទូទៅផងដែរ។

យោងទៅតាមបទសម្ភាសន៍រវាងក្រុមការងារចាបខៀវ Technology Cambodia ជាមួយនឹងលោក​ យ៉ុង គីមឡេង បានឲ្យដឹងថា យីហោស្មាតហ្វូន TECNO មួយនេះគឺមិនមែនទើបមានក្នុងពេលបច្ចុប្បន្ននេះទេពោលគឺជាយីហោស្មាតហ្វូនដែលល្បីល្បាញនៅក្រៅស្រុកយូរហើយ ដោយនៅដើមឆ្នាំ២០២៣​ នេះលោកបានចាប់ផ្តើមទទួលសិទ្ធផ្តាច់មុខក្នុងការចែកចាយទៅលើស្មាតហ្វូន TECNO នេះគ្រប់ប្រភេទទាំងអស់​។

លោកបានបន្ថែមថាស្មាតហ្វូន TECNO បច្ចុប្បន្នគឺបានដាក់ចរាចរណ៍លក់ទូទាំងប្រទេសកម្ពុជាតែម្តង មិនថានៅដល់ខេត្តណាក៏អាចទិញយកទៅប្រើប្រាស់បានដែរ។ លើសពីនេះទៅទៀតចំពោះយីហោស្មាតហ្វូនមួយនេះ ថ្វីត្បិតតែទើបមានការចរាចរណ៍លក់នៅក្នុងស្រុកខ្មែរក៏ពិតមែនប៉ុន្តែ TECNO គឺមានគ្រឿងបន្លាស់ស្រាប់សម្រាប់ទុកប្តូរពេលស្មាតហ្វូនខូចថែមទៀតផង ដូច្នេះរាល់ពេលមានបញ្ហាផ្សេងៗគឺមិនបាច់បារម្ភថាអត់មានកន្លែងធ្វើ ឬត្រូវចាំយូនោះទេ​។

យ៉ាងណាមិញសម្រាប់តម្លៃវិញក៏សមស្របជាមួយនឹងអ្នកប្រើប្រាស់គ្រប់ស្រទាប់តែម្តងពោលគឺមានចាប់ពីតម្លៃក្រោម១០០ដុល្លាររហូតដល់១ពាន់ដុល្លារក៏មានដែរអាស្រ័យទៅតាមប្រភេទនៃស្មាតហ្វូននីមួយៗដែលអ្នកទាំងអស់គ្នាចង់បាន ពោលគឺមានគ្រប់ជម្រើសតែម្តង។ មិនតែប៉ុណ្ណោះលោកក៏បានបន្ថែមថាស្មាតហ្វូន TECNO តាំងពីទើបចាប់ផ្តើមលក់មកគឺលក់ដាច់អស់រាប់ម៉ឺនគ្រឿងទៅហើយ។

ក្រៅពីនេះ TECNO ក៏មានជាមួយនឹងប្រភេទស្មាតហ្វូនបត់(Folded) ផងដែរ ដើម្បីបំពេញតម្រូវការអ្នកប្រើប្រាស់​ ដោយឥឡូវនេះគឺដាក់ Pre-Order ហើយ។ ដូច្នេះប្រសិនបើអ្នកទាំងអស់គ្នាកំពុងត្រូវការស្មាតហ្វូនដែលមានគុណភាព តម្លៃសមរម្យ​ គឺអាចរកមើលបានជាមួយនឹងយីហោ TECNO Mobile

អត្ថបទដោយ៖ រិន មករា

Technology Cambodia
ដើម្បីកម្ពុជាកាន់តែទំនើបជាងមុន
ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: [email protected]
  • +855 (0) 69 720 727 | +855 (0) 89 525 180
© 2022 Baksey Media. All Rights Reserved.
Developed by: Neak Panhboth