ក្រុមហ៊ុនទាំងនោះបានអះអាងថា មាត្រានេះគួរតែជួយការពារពួកគេពីការចោទប្រកាន់រឿងមិនបានព្រមានសាធារណជនអំពីការរចនាដែលនាំឱ្យញៀន ប៉ុន្តែតុលាការបានលើកឡើងថា ការស្នើសុំប្តឹងឧទ្ធរណ៍នេះគឺឆាប់រហ័សពេក ព្រោះនីតិវិធីបែបនេះជាទូទៅកើតឡើងបន្ទាប់ពីការកាត់ក្តីត្រូវបានបញ្ចប់។

ពាក្យបណ្តឹងរាប់ពាន់ករណីទាំងនេះ ដែលត្រូវបានប្តឹងដោយបុគ្គលឯកជន រដ្ឋាភិបាលក្នុងស្រុក និងមណ្ឌលសិក្សាធិការ ត្រូវបានបូកបញ្ជូលគ្នាតាមនីតិវិធីទៅជាបណ្តឹងថ្នាក់សហព័ន្ធតែមួយ ដើម្បីបន្តដំណើរការក្តីទៅមុខ។ ទោះបីជានៅឆាប់រហ័សពេកក្នុងការសន្និដ្ឋានថា តើការក្តីក្តាំលើការរចនាបង្កឱ្យញៀននេះនឹងបញ្ចប់ទៅដោយលទ្ធផលបែបណាក៏ដោយ ប៉ុន្តែកន្លងមក ក្រុមហ៊ុន Meta បានចាញ់ក្តីចំនួនពីរករណីរួចទៅហើយលើបញ្ហាស្រដៀងគ្នានេះ។ ការចាញ់ក្តីនេះបានគូសបញ្ជាក់ជាប្រវត្តិសាស្ត្រថា ជាលើកដំបូងបង្អស់ដែលក្រុមហ៊ុនបណ្តាញសង្គមត្រូវទទួលខុសត្រូវតាមផ្លូវច្បាប់ ចំពោះក្តីបារម្ភលើសុវត្ថិភាពកុមារ នៅក្នុងសវនាការដែលមានការចូលរួមពីគណៈវិនិច្ឆ័យ។