ដើម្បីបើកមុខងារ ‘Sensitive Content Warning’ នេះ អ្នកគ្រាន់តែធ្វើតាមជំហានងាយៗដូចខាងក្រោម៖

• ចូលទៅកាន់កម្មវិធី Settings (ការកំណត់) នៅក្នុង iPhone របស់អ្នក។
•  រំកិលចុះក្រោម ហើយចុចលើ Privacy & Security 
• រំកិលចុះក្រោមម្តងទៀត ហើយរកមើល រួចចុចលើ Sensitive Content Warning (ការព្រមានអំពីមាតិការសើប)។
• ចុចលើប៊ូតុងចុច (toggle) ខាងស្ដាំដៃនៃពាក្យ Sensitive Content Warning ដើម្បីបើក (Turn On) មុខងារនេះរួចជាការស្រេច។

នៅពេលដែលអ្នកបើកមុខងារនេះហើយ អ្នកក៏អាចជ្រើសរើសកម្មវិធីណាខ្លះដែលអ្នកចង់ឱ្យមុខងារនេះដំណើរការបានផងដែរ (ដូចជា Messages, AirDrop, ឬ Contact Posters នៅក្នុងកម្មវិធី Phone)។

គូសបញ្ជាក់ផងដែរថា ម៉ូដែល iPhone ណាដែលគាំទ្រ iOS 17 ទើបអាចប្រើមុខងារនេះបាន។ រួមមាន៖

• iPhone XS/XS Max និង iPhone XR
• iPhone 11 series (11, 11 Pro, 11 Pro Max)
• iPhone 12 series
• iPhone 13 series
• iPhone 14 series
• iPhone 15 series
• និង iPhone SE (ជំនាន់ទី ២ និងទី ៣) ។

សម្រាប់ម៉ូដែលចាស់ៗដូចជា iPhone X, iPhone 8, ឬ 8 Plus ដែលមិនអាចដំឡើងដល់ iOS 17 បានទេ ហើយក៏មិនអាចប្រើមុខងារមួយនេះបានដែរ។