ការចូលរួមទស្សនា និងគាំទ្រ «កម្មវិធីប្រកួតប្រជែងរ៉ូបូតទិចកម្ពុជា ឆ្នាំ២០២៦»
ក្រោមការគាំទ្រដ៏ខ្ពង់ខ្ពស់របស់ ក្រសួងអប់រំ យុវជន និងកីឡា អង្គការពិព័រណ៍វិទ្យាសាស្ត្រកម្ពុជា មានសេចក្ដីសោមនស្សរីករាយ សូមគោរពអញ្ជើញសាធារណជនទូទៅ ជាពិសេសលោកគ្រូ អ្នកគ្រូ មាតាបិតា អាណាព្យាបាល និងសិស្សានុសិស្សទាំងអស់ ចូលរួមទស្សនា និងគាំទ្រ «កម្មវិធីប្រកួតប្រជែងរ៉ូបូតទិចកម្ពុជា ឆ្នាំ២០២៦»។
ការរៀបចំកម្មវិធីនេះឡើង គឺដើម្បីផ្ដល់កម្លាំងចិត្តដល់បេក្ខជនប្រកួត ក៏ដូចជាលើកកម្ពស់ការអប់រំស្ទែម (STEM) រ៉ូបូតទិច និងភាពច្នៃប្រឌិតនៅក្នុងប្រទេសកម្ពុជា។
បន្ថែមពីនេះ ចំពោះបេក្ខជនដែលចូលរួមប្រកួត នឹងមានឱកាសបញ្ចេញសមត្ថភាព ព្រមទាំងធ្វើជាតំណាងឱ្យប្រទេសកម្ពុជា នៅក្នុងកម្មវិធី «រ៉ូបូតទិចអូឡាំព្យាដពិភពលោក» ដែលគ្រោងនឹងរៀបចំឡើងនៅព័រតូរីកូ សហរដ្ឋអាម៉េរិក នាខែធ្នូ ខាងមុខនេះ។
កម្មវិធីនេះនឹងប្រព្រឹត្តទៅតាមព័ត៌មានលម្អិតដូចខាងក្រោម៖
- កាលបរិច្ឆេទប្រកួត៖ ថ្ងៃទី០៥ ខែកញ្ញា ឆ្នាំ២០២៦
- ពេលវេលា៖ ម៉ោង ៨:០០ នាទីព្រឹក ដល់ ៤:០០ នាទីរសៀល
- ទីតាំង៖ ផ្សារទំនើបអ៊ីអន មានជ័យ (សាលជាន់ទី១)
អាស្រ័យហេតុនេះ សូមសាធារណជន លោកគ្រូ អ្នកគ្រូ មាតាបិតា អាណាព្យាបាល និងសិស្សានុសិស្សទាំងអស់ អញ្ជើញចូលរួមទស្សនាឱ្យបានច្រើនកុះករ។
សម្រាប់ព័ត៌មានបន្ថែម សូមចូលទៅកាន់ទំព័រផ្លូវការ៖
- អង្គការពិព័រណ៍វិទ្យាសាស្ត្រកម្ពុជា៖ https://www.facebook.com/STEMCambodia
