នៅលើ Messenger, "ការបើកមើលគេហទំព័រដោយសុវត្ថិភាព" គឺជាមុខងារសុវត្ថិភាពមួយដែលព្រមានអ្នកប្រើប្រាស់ ប្រសិនបើអ្នកចុចលើតំណភ្ជាប់គួរដែលគួរឱ្យសង្ស័យ ឬមានគ្រោះថ្នាក់ដែលអាចកើតមាននៅក្នុងសារមួយនោះដោយគ្មានប្រភពច្បាស់លាស់ មុខងារនេះអាចជួយការពារអ្នកប្រើប្រាស់ពីការបោកប្រាស់របស់ពួក Hacker និងកម្មវិធីដែលអាចនាំឲ្យមានមេរោគដល់អាខោនអ្នកប្រើប្រាស់ថែមទៀតផង។
នៅពេលអ្នកចុចលើតំណភ្ជាប់ក្នុងឆាត Messenger ដែលបាន end-to-end encrypted និងបានដាក់ មុខងារ "Safe Website Browsing" វានឹងត្រួតពិនិត្យគ្រប់លីងតំណភ្ជាប់នោះធៀបនឹងបញ្ជីនៃគេហទំព័រ ឬលីងដែលគ្រោះថ្នាក់ដើម្បីបញ្ជាក់ និងហាមអ្នកប្រើប្រាស់មិនឲ្យចូលក្នុងតំណលីងនោះដាច់ខាត។
អ្នកទាំងអស់គ្នាអាចបើកមុខងារមួយនេះបាន ដោយគ្រាន់តែចូលទៅកាន់៖
- ការកំណត់កម្មវិធី Messenger (Setting)
- បន្ទាប់មកចូលទៅកាន់ ភាពឯកជន និងសុវត្ថិភាព (Privacy & Safety)
- ហើយបន្ទាប់មកចុចលើ ការរុករកប្រកបដោយសុវត្ថិភាព (Safe Website browsing)
និងចុចប៊ូតុងបើកពណ៌ខៀវ រួជាការស្រេច។
រូបខាងក្រោមនេះបង្ហាញពីរបៀបចូលទៅបើកមុខងារសុវត្ថិភាព Safe Website Browsing ។
អត្ថបទដោយ៖ ងួន ឃុនណា
