អ្នកស្រី បានអះអាងកាលពីថ្ងៃទី១៥ ខែមករា ថា អ្នកស្រីបានទទួលសារសំឡេងមួយ ដែលស្តាប់ទៅដូចគ្នាទៅនឹងមេដឹកនាំដ៏ល្បីម្នាក់ ប៉ុន្តែអ្នកស្រីសុំមិនបញ្ចេញឈ្មោះ។ ដោយអ្នកស្រីថ្លែងថា «នៅក្នុងសារសំឡេងនោះ គេបាននិយាយថា គាត់ទន្ទឹងរង់ចាំជួបខ្ញុំ ហើយធ្វើការជាមួយគ្នា»។

អ្នកស្រីបានបន្ថែមថា «សារសំឡេងនោះបាននិយាយថា ប្រទេសថៃជាប្រទេសអាស៊ានតែមួយគត់ ដែលមិនទាន់បានបរិច្ចាគប្រាក់ ដោយផ្ញើទៅកាន់គណនីធនាគារនៅក្រៅប្រទេសថៃ ចំពោះនេះហើយទើបលោកស្រីបានចាប់អារម្មណ៍វាថា«នេះជាសារឆបោក»។ 

Bangkok Post បានបន្ថែមថា ក្រសួង​សេដ្ឋកិច្ច​និង​សង្គម​ឌីជីថលក៏​បាននិយាយថា យើងត្រូវតែទទួលស្គាល់ថា ការបោកប្រាស់ និងការក្លែងបន្លំគឺកាន់តែជឿនលឿន និងមានភាពស្រពិចស្រពិល។

គួរបញ្ជាក់ថា សកម្មភាពនៃការឆបោកតាមប្រព័ន្ធអនឡាញ ស្ទើរតែក្លាយជារឿងធម្មតាទៅហើយ នៅក្នុងប្រទេសថៃ ដោយក្រុមឆបោកបតែងតែក្លែងបន្លំខ្លួនជាប៉ូលិស មន្ត្រីរដ្ឋាភិបាល ឬបុគ្គលិកធនាគារ ហើយ ប្រើប្រាស់ការហៅទូរស័ព្ទជាមួយបច្ចេកវិទ្យា AI ដើម្បីធ្វើការបោកប្រាស់ ។