ខ្ញុំជឿថាមានមនុស្សមិនតិចទេ ដែលធ្លាប់បានលេងជាមួយនឹងហ្គេមដ៏ល្បីគឺ Angry Bird ដែលហ្គេមមួយនេះត្រូវបានបង្កើតឡើងនៅតាំងពីឆ្នាំ2009មកម្លេះ ហើយក្រោយមកក៏ប្តូរឈ្មោះទៅជា Rovio Classic: Angry Birds វិញ។ ដោយឡែកថ្មីៗនេះក៏លេចឮដំណឹងថា ហ្គេមដ៏ល្បីតជំនាន់មួយនេះនឹងត្រូវដកចេញពី Play Store ដែលនេះគឺជារឿងដ៏សោកស្តាយបំផុតរបស់អ្នកប្រើប្រាស់។
យោងទៅតាមការចេញផ្សាយរបស់ក្រុមហ៊ុន Rovio ផ្ទាល់នៅលើបណ្តាញសង្គម Twitter បានឱ្យដឹងថា ហ្គេម Rovio Classic: Angry Birds នឹងត្រូវដកចេញពី Play Store លែងឱ្យមានការទាញយកមកលេងទៀតហើយ ដោយគេនឹងដកចេញនៅថ្ងៃទី 23 ខែកុម្ភៈ ខាងមុខនេះហើយពោលគឺដោយសារតែមានបញ្ហាមួយចំនួនដែលធ្វើឱ្យប៉ះពាល់ទៅដល់ហ្គេមផ្សេងៗទៀត មិនតែប៉ុណ្ណោះហ្គេមមួយនេះក៏នឹងត្រូវប្តូរឈ្មោះទៅជា Red’s First Flight នៅលើ App Store ផងដែរ ដែលបច្ចុប្បន្នគេកំពុងធ្វើការ Review ។
Please read below for an important announcement regarding the availability of Rovio Classics: Angry Birds. pic.twitter.com/a4n4bU5gQJ
— Rovio (@Rovio) February 21, 2023
Rovio ក៏បានបញ្ជាក់បន្ថែមទៀតផងដែរថា បើទោះបីជា Angry Birds ត្រូវដកចេញពី Play Store ក៏ពិតមែនប៉ុន្តែសម្រាប់អ្នកដែលធ្លាប់បានទាញយកមកប្រើប្រាស់នៅលើទូរស័ព្ទរួចហើយគឺអាចនៅប្រើប្រាស់បានដដែលគ្រាន់តែ នៅលើ Play Store លែងមានហ្គេមនេះបន្តទៅទៀត។
យ៉ាណាមិញ ជុំវិញការដក Original Angry Birds ចេញពី Play Store ខាងក្រុមហ៊ុន Rovio រំពឹងថាអ្នកគាទ្រនៅតែបន្តគាំទ្រលេងជាមួយនឹង Angry Birds 2, Angry Birds Friend, និង Angry Birds Journey ជាដើម។ សម្រាប់អ្នកទាំងអស់គ្នាវិញធ្លាប់មានអនុស្សាវរីយអ្វីខ្លះជាមួយហ្គេម Angry Brid មួយនេះ?
អត្ថបទដោយ៖ រិន មករា
