បើតាមប្រសាសន៍របស់លោក Pekka Lundmark ដែលជានាយកប្រត្តិបត្តិរបស់ Nokia បានឲ្យដឹងថា បច្ចុប្បន្ននេះក្រុមហ៊ុនបានធ្វើការអាប់ឌែតក៏ដូចធ្វើកំណែទម្រង់ថ្មីទៅលើយុទ្ធសាស្រ្តមួយចំនួននិងធ្វើការច្នៃ Brand របស់ខ្លួនឡើងវិញដើម្បីឆ្លុះបញ្ចាំងពីស្ថានភាពបច្ចុប្បន្នដែលក្រុមហ៊ុនកំពុងតែដំណើរការ ដោយផ្តោតទៅលើការអភិវឌ្ឍបច្ចេកវិទ្យាថ្មី B2B និងផ្នែក Networking ផងដែរ។ ហើយការបង្ហាញបែបនេះគឺចង់ឆ្លុះបញ្ចាំងទៅកាន់​អ្នកគាំទ្រមួយចំនួនដែលធ្លាប់គិតថា Nokia នៅតែជោគជ័យនៅលើវិស័យស្មាតហ្វូន ប៉ុន្តែជាក់ស្តែងវាមិនដូចការគិតនោះទេ។

លើសពីនេះទៅទៀត បើតាមការចុះផ្សាយរបស់ Rueter ក៏បានឲ្យដឹងផងដែរថា តាំងពីលោក Lundmark ចូលធ្វើជា CEO របស់ក្រុមហ៊ុន Nokia មកគឺលោកបានដាក់យុទ្ធសាស្រ្ត៣ដំណាក់កាលគឺ reset, accelerate, scale មានន័យថា ធ្វើការកំណត់ឡើងវិញនូវគោលការដែលធ្លាប់មានពីមុនមកបន្ទាប់មក ចាប់ផ្តើមពន្លឿនលើយុទ្ធសាស្រ្តថ្មី ហើយចុងក្រោយគឺពង្រីកខ្លួនតែម្តង ហើយបច្ចុប្បន្ននេះគឺផុតដំណាក់កាល Reset ហើយពោលគឺចូលដល់ដំណាក់កាល Accelerate ម្តង។

យ៉ាងណាមិញ Nokia នៅតែជាក្រុមហ៊ុនមួយដែលមានកំណើនក្នុងការផ្តល់សេវាកម្មក៏ដូចជាលក់នូវឧបករណ៍ផ្សេងទៅកាន់ ក្រុមហ៊ុនទូរគមនាគមន៍(telecom company) មិនតែប៉ុណ្ណោះក្រុមហ៊ុនបច្ចេកវិទ្យាមួយចំនួនក៏បានក្លាយជាដៃគូររបស់ Nokia ផងដែរពោលគឺទទួលបាននូវប្រព័ន្ធ 5G និងឧបករណ៍ស្វ័យប្រត្តិកម្មផ្សេងៗទៀតដើម្បីយកមកប្រើប្រាស់ក្នុងរោងចក្រ។

ដូច្នេះចំពោះការផ្លាស់ប្តូរ Logo ថ្មីនេះគឺ Nokia នេះមានគោលបំណងចង់ផ្តោតសំខាន់ទៅលើគោលការណ៍អាជីវកម្មថ្មីរបស់ខ្លួនពោលគឺដកឃ្លាចេញពីការផលិតទូរស័ព្ទហើយ ប៉ុន្តែសម្រាប់ទូរស័ព្ទ Nokia ដែលមានលក់បច្ចុប្បន្នគឺស្ថិតក្រោមផលិតរបស់ក្រុមហ៊ុន HMD Global Oy ។

អត្ថបទដោយ៖ រិន មករា