កាលពីពេលថ្មីៗនេះ យីហោរថយន្តអគ្គិសនីចិនជាច្រើនកំពុងតែមានការចាប់អារម្មណ៍ពីសំណាក់បណ្តាប្រទេសប៉ែកខាងអឺរ៉ុប ជាក់ស្តែងដូច ក្រុមហ៊ុន Nio របស់ប្រទេសចិន មានគម្រោងនៅចុងឆ្នាំ២០២២ នេះ នឹងនាំយករថយន្តអគ្គិសនី ET7 អាចជិះបានចម្ងាយឆ្ងាយ ១០០០គ.ម ឯណោះជាមួយនឹងតម្លៃ 692000ដុល្លារ ទៅកាន់ប្រទេសចំនួន ៤ នៅអឺរ៉ុប ដូចជា អាឡឺម៉ង់ ហូឡង់ ដាណឺម៉ាក និងស៊ុយអែត នេះបើយោងតាមពី Electric Vehicle ។
ម្យ៉ាងវិញទៀតក្នុងចំណោមប្រទេសទាំង ៤ នោះ ក្រុមហ៊ុន Nio នឹងយក ET7 ទៅកាន់ប្រទេសអាឡឺម៉ង់មុនគេនៅក្នុងឆមាសទី៤ ឆ្នាំ២០២២ ហើយអ្នកបន្ទាប់ដែលត្រូវចាំនោះគឺ ប្រទេសហូឡង់ នេះបើយោងតាមគណនី Twitter របស់ NIO Deutschland ។
Yesterday we mixed the information about models in Europe and Germany. The model available in Germany in Q4 is the NIO ET7. For all other markets like Netherlands - stay tuned for more information!
— NIO Deutschland (@NIODeutschland) June 25, 2022
ដោយឡែកចំពោះរថយន្តអគ្គិសនី ET7 ដែលបានផ្តល់ជូនទៅកាន់អាឡឺម៉ង់នេះមានកញ្ចប់ថ្ម ២ ជម្រើសរួមមាន ទី១ កញ្ចប់ថ្ម 100Kwh អាចរត់បានចម្ងាយបានឆ្ងាយបំផុតចំនួន 600Km និងទី២ កញ្ចប់ថ្ម 150Kwh អាចរត់បានចម្ងាយបានឆ្ងាយបំផុតដល់ 1000kwh ឯណោះ រាល់ពេលសាកថ្មថាមពលពេញម្តង ។
គួរបញ្ជាក់ផងដែរ Nio បានប្រកាសពីការនាំចេញនូវរថយន្តអគ្គិសនី ET5 ប្រភេទ Sedan ដូចគ្នាអាចជិះបានចម្ងាយឆ្ងាយបំផុត 1000Km ទៅលក់នៅប្រទេសន័រវេស និងទៅកាន់ជុំវិញទៀតទីផ្សារពិភពលោកទាំងមូលនៅក្នុងឆ្នាំ២០២៣ ខាងមុខនេះ ៕
អត្ថបទដោយ៖ ព្រឹម ភក្តី
