១./ ការបង្កើត Account ថ្មីភ្លាមៗ (Creating a New Account Immediately):

Facebook និង Meta បានកត់ត្រា ឬចំណាំព័ត៌មានឧបករណ៍ (Device ID) និង IP Address របស់អ្នក។ ការបង្កើតថ្មីភ្លាមៗ នឹងធ្វើឱ្យ Account ថ្មីនោះ ត្រូវបាន Disable ភ្លាមៗដូចគ្នា ព្រោះ System យល់ថាអ្នកកំពុងព្យាយាមគេចចេញពីការដាក់ទណ្ឌកម្មណាមួយលើបណ្តាយសង្គម។ ត្រូវចាំថាកាន់តែបង្កើតកាន់តែ Disable។

២./ ការប្រើប្រាស់សេវាកម្ម "ដោះ Account" ដែលមិនស្គាល់ប្រភពច្បាស់ (Using Unknown "Account Recovery" Services):

មានមនុស្សជាច្រើន ឬបណ្តាញក្រុមតូចៗដែលអះអាងថាពួកគេអាច "ដោះ Account Disable" ដោយយកកម្រៃសេវាខ្ពស់។ សូមពិនិត្យមុខទុកចិត្ត ប្រយ័ត្នប៉ះចំអ្នកបោកប្រាស់ (Scammers) ដែលទាមទារយកលុយ ហើយចុងក្រោយក៏មិនអាចដោះ Account ឲ្យអ្នកបាន។ ហានិភ័យបំផុតនោះគឺ: អ្នកបាត់បង់លុយ ហើយថែមទាំងប្រឈមនឹងការលួច Account ទៀតផង ប្រសិនបើអ្នកផ្តល់ព័ត៌មាន Account ទៅពួកគេ Log In ។

៣./ ការដាក់ពាក្យប្តឹងតវ៉ាច្រើនដងពេក (Over-Submitting Appeals):

ការដាក់ពាក្យ Request a Review (ប្តឹងតវ៉ា) ម្តងហើយម្តងទៀតក្នុងរយៈពេលខ្លីនិងដដែលៗជាច្រើនដង មិនមែនជាការបង្កើនល្បឿនដោះស្រាយនោះទេ តែអាចធ្វើឲ្យ Facebook ចាត់ទុកសំណើរបស់អ្នកជាការ Spam ហើយបដិសេធចោលតែម្តង។ មានន័យថា ស្នើរតែម្តងបានហើយ បើធ្វើទាំងប្រញាប់ប្រញាល់ជាច្រើនដង​ នោះ Facebook មិនជួយយើងនោះទេ។

គូសបញ្ជាក់ផងដែរថា វិធីសាស្ត្រផ្លូវការ និងត្រឹមត្រូវបំផុតក្នុងការដោះស្រាយបញ្ហា Account Facebook ដែលជាប់ Disable គឺត្រូវ ដាក់ពាក្យប្ដឹងតវ៉ា (Appeal) ដោយផ្ទាល់ជាមួយ Facebook ជាមុនសិន ដោយព្យាយាម Log In ហើយចុចលើប៊ូតុង "Request a Review" រួចបំពេញទម្រង់ពន្យល់ពីមូលហេតុនៃការយល់ច្រឡំ និងភ្ជាប់ឯកសារបញ្ជាក់អត្តសញ្ញាណ (ID) ផ្លូវការដើម្បីបញ្ជាក់ភាពជាម្ចាស់ដើមនៃអាខោនរបស់យើង។ 

អ្នកមិនគួរដាច់ខាតក្នុងការបង្កើត Account ថ្មីភ្លាមៗ ព្រោះវាគ្រាន់តែធ្វើឱ្យ Account ថ្មីនោះជាប់ Disable ភ្លាមៗដូចគ្នា ហើយជំហានចុងក្រោយគឺ ការអត់ធ្មត់ រង់ចាំការពិនិត្យឡើងវិញ ដែលអាចចំណាយពេលពីរបីថ្ងៃទៅច្រើនសប្តាហ៍តាមគោលការហ្វេសប៊ុក។