យុគសម័យ AI ចូលមកដល់ Huawei បំបុក 5G-A ប្រើជាលក្ខណៈពាណិជ្ជកម្ម រកស៊ីបាន
Makara Rin
JULY 3 2024
នវានុវត្តន៍
19 views
3 mins read

ព្រឹត្តិការណ៍ MWC Shanghai 2024 លើកនេះ ក្រុមហ៊ុន Huawei បានរៀបចំស្តង់របស់ខ្លួនយ៉ាងធំ សឹងតែដូចរមណីយដ្ឋានតូចមួយទៅហើយ ដោយមានអក្សរធំៗថា “Advancing the Intelligent World” ជាមួយនឹងការតាំងបង្ហាញនូវដំណោះស្រាយ ក៏ដូចជាផលិតផលជាច្រើនរបស់ខ្លួនជុំវិញរង្វង់បច្ចេកវិទ្យា 5G-A និង AI

ជាមួយគ្នានេះ Huawei ក៏បានប្រកាសពីកិច្ចព្រមព្រៀងចំនួន ៦ ក្នុងការត្រួសត្រាយផ្លូវបច្ចេកវិទ្យា 5.5G 5G-A ជាមួយនឹងប្រតិបត្តិករធំៗជាច្រើនទៀតមកពីជុំវិញពិភពលោក និង ដាក់សម្ពោធជាផ្លូវការនូវកិច្ចផ្ដួចផ្ដើមជារួមសម្រាប់ការអភិវឌ្ឍបច្ចេកវិទ្យាវីដេអូកម្រិតខ្ពស់សម្រាប់ទូរស័ព្ទក្នុងយុគសម័យ AI ជាមួយនឹងប្រតិបត្តិករសកល អតិថិជនក្នុងវិស័យ និង ស្ថាប័នពាក់ព័ន្ធដទៃទៀត។

Photo 2024 07 03 14 15 36

ក្នុងឆ្នាំ ២០២៤ នេះ ក្រុមហ៊ុនប្រតិបត្តិករឈានមុខជាច្រើនក្នុងបណ្ដាប្រទេសមជ្ឈិមបូព៌ា និង ប្រទេសចិន បានចាប់ផ្ដើមបញ្ចេញនូវប្រព័ន្ធបណ្ដាញសេវា 5G-A ជាផ្លូវការដោយមានខ្លះចាប់ផ្ដើមដាក់ឱ្យប្រើប្រាស់នូវកញ្ចប់សេវាកម្ម 5G0A ប្លែកៗគ្នាដោយផ្តោតលើបទពិសោធន៍សម្រាប់អ្នកប្រើប្រាស់រៀងៗខ្លួន។

ប្រធាននាយកប្រតិបត្តិនៃក្រុមប្រឹក្សាភិបាល និងជា អគ្គនាយកនៃក្រុមប្រឹក្សាភិបាលគ្រប់គ្រងលើហេដ្ឋារចនាសម្ព័ន្ធ ICT លោក David Want បានថ្លែងសន្ទុរកថាដ៏មានអត្ថន័យក្រោមប្រធានបទ ជម្រុញអនាគតនៃ 5G-A និង តម្រង់ទិសយុគសម័យទូរស័ព្ទ AI” ដោយលោកបានលើកឡើងថា ខែនេះជាឆ្នាំទី ៥ នៃការដាក់ប្រើប្រាស់បច្ចេកវិទ្យា 5G ជាលក្ខណៈពាណិជ្ជកម្ម។ រយៈកាល ៥ ឆ្នាំកន្លងទៅនេះ 5G លក្ខណៈពាណិជ្ជកម្មបានសម្រេចបាននូវជោគជ័យគួរឱ្យកត់សម្គាល់ និង បានបង្កើតឱ្យមានឥទ្ធិពលមិនធ្លាប់មានពីមុនមកទៅលើវិស័យទូរគមនាគមន៍សល។

លោកបានបន្តទៀតថា៖ ២០២៤ ជាការចាប់ផ្ដើមនៃយុគទូរស័ព្ទ AI អរគុណដល់ការដាក់សម្ពោធនៃបច្ចេកវិទ្យា 5G-A ជាលក្ខណៈពាណិជ្ជកម្ម និង ឧបករណ៍ AI ដទៃទៀត។ បច្ចេកវិទ្យាអស់ទាំងនេះនឹងជាគន្លឹះធ្វើឱ្យសេវាកម្មពាក់ព័ន្ធនឹងបញ្ញានេះមានវត្តមានគ្រប់ទីកន្លែង។ យុគនេះមិនត្រឹមតែផ្លាស់ប្ដូររបៀបមនុស្សទំនាក់ទំនងជាមួយនឹងម៉ាស៊ីនទេ ប៉ុន្តែក៏ផ្លាស់ប្ដូររបៀបនៃការផលិតមាតិការ និង ឧបករណ៍ទូរស័ព្ទផងដែរ ព្រមទាំងធ្វើឱ្យសង្គមកាន់តែមានភាពរស់រវើក បង្កើតឱកាសកាន់តែច្រើនសម្រាប់ឧស្សាហកម្មទូរស័ព្ទ។ នៅ Huawei យើងនឹងបន្តជម្រុញការអភិវឌ្ឍបច្ចេកវិទ្យា 5G-A ពីគ្រប់ជ្រុងទាំង ប្រព័ន្ធបណ្ដាញសេវាសម្រាប់ AI’ និង ‘AIសម្រាប់ប្រព័ន្ធបណ្ដាញសេវា ដើម្បីបង្កើតគុណតម្លៃដល់អាជីវកម្ម។ Huawei សម្លឹងឆ្ពោះទៅមុខ រង់ចាំសហការធ្វើការជាមួយភាគីពាក់ព័ន្ធនៅក្នុងវិស័យទាំងអស់ដើម្បីចាប់យកឱកាសដ៏ធំនេះ បង្ហាញឡើងតាមរយៈ យុគសម័យទូរស័ព្ទ AI តម្រង់ទិសពិភពលោកពោរពេញដោយបញ្ញា

Photo 2024 07 03 14 15 56

Photo 2024 07 03 14 15 59

បើតាមទីន្នន័យពីគេហទំព័រផ្លូវការរបស់ក្រុមហ៊ុន Huawei បានឱ្យដឹងថាចំនួនអ្នកប្រើប្រាស់ 5G លើពិភពលោកមានលើស ១.៨ពាន់លាននាក់ ហើយប្រតិបត្តិករជាច្រើនបានចាបយកនិងមើលឃើញពីប្រយោជន៍នៃរលកទី១របស់ 5G រួចទៅហើយ។

សេវាកម្មសម្រាប់អតិថិជនដូចជា ការហៅទូរស័ព្ទបែបថ្មី Cloud Phones ឬ អេក្រង់អាចមើលវីដេអូ 3D បាន តម្រូវឱ្យមានតម្រូវការប្រើប្រាស់បណ្ដាញប្រព័ន្ធសេវាខ្ពស់ ល្បឿនលឿន ភាពយឺតទាបបំផុត។

Photo 2024 07 03 14 15 52

Photo 2024 07 03 14 30 33

បើសិនជាគេនិយាយពីសេវាកម្មសម្រាប់ប្រភេទឧស្សាហកម្មវិញ ប្រព័ន្ធអេកូឡូស៊ីរបស់ RadCap មានសភាពចាស់ទុំជាងមុនច្រើន បច្ចេកវិទ្យា IoT ក៏កំពុងលេចវត្តមានទៅលើទីផ្សារកាន់តែធំជាងនេះដែរ និង បច្ចេកវិទ្យា IoV (អ៊ីនធឺណេតសម្រាប់យានយន្ត) ត្រូវការល្បឿនលឿន។ ឆាប់ៗនេះយើងនឹងឃើញរលកទីពីរនៃ ប្រយោជន៍ពាណិជ្ជកម្ម ខណៈនឹងមានឧបករណ៍តភ្ជាប់ទៅនឹងអ៊ីនធឺណេតច្រើនជាង ១០០ពាន់លានឧបករណ៍ កកើតឡើងដោយសារការរីកចម្រើននៃវិស័យ និង គម្រូអាជីវកម្មថ្មីៗ។

បច្ចុប្បន្នមានប្រតិបត្តិករច្រើនជាង ៣០ បានបំពេញរួចរាល់នូវលក្ខខណ្ឌបច្ចេកទេសសម្រាប់ការពង្រីកទៅកាន់ 5G-A ហើយមានម៉ូដែលទូរស័ព្ទច្រើនជាង ២០ នៅលើទីផ្សារ អាចគាំទ្រសេវាច្រើនប្រព័ន្ធ នៅលើ 5G-A នេះ។ មានប្រតិបត្តិករច្រើនជាង ១០ បានប្រកាសអំពីគម្រោងក្នុងការដាក់បច្ចេកវិទ្យា 5G-A ប្រើប្រាស់ជាលក្ខណៈពាណិជ្ជកម្មដោយរួមបញ្ចូលទាំងកញ្ចប់សេវាកម្ម 5G-A និង សេវាកម្មពាក់ព័ន្ធដទៃទៀត៕

បន្តអានអត្ថបទបន្ទាប់
ស្វែងយល់អំពីពួកយើង
ទំនាក់ទំនង​មក​ពួក​យើង
© 2024 Baksey Media. All Rights Reserved.
Developed by: Technology Cambodia