បវកញ្ញាភពផែនដីអន្តរជាតិ ២០២៣ (Miss Planet International 2023) ទាំង ៤៥ រូបដែលតំណាងឱ្យ ៤៥ប្រទេស បានអញ្ជើញមកបំពេញទស្សនៈកិច្ចដល់ក្រុមហ៊ុន យ៉ាឌា ខេមបូឌា ដោយផ្ទាល់ នាព្រឹកថ្ងៃទី១៣ ខែវិច្ឆិកា ឆ្នាំ២០២៣ ។
បវរកញ្ញាភពផែនដីអន្តរជាតិ ២០២៣ និងក្រុមហ៊ុន យ៉ាឌា ខេមបូឌា មានចក្ខុវិស័យដូចគ្នាក្នុងការកាត់បន្ថយផ្សែងពុលទៅក្នុងអាកាស ផ្ដល់នូវភាពសន្សំសំចៃខ្ពស់ ជាពិសេសគឺផ្ដោតទៅលើគុណភាពជាចម្បង។
លោកនាយកប្រតិបត្តិក្រុមហ៊ុន Yadea លោក យីវ ផាន់ណា បានលើកឡើងថា មូលហេតុដែលក្រុមហ៊ុនម៉ូតូអគ្គិសនី យ៉ាឌា ខេមបូឌា នឹងកម្មវិធីលំដាប់ថ្នាក់ពិភពលោក Miss Planet international 2023 អាចសហការគ្នាបាន ដោយាសារតែពួកយើងទាំងពីរ ឈរនៅលើចក្ខុវិស័យតែមួយ គឺដើម្បីជួយដល់បរិស្ថាន ក៏ដូចជាភពផែនដីគ្មានជាតិពុល ឬឧស្ម័នពុល ក៏ដូចជាជួយដល់ធម្មជាតិ ព្រៃឈើ ជាពិសេសទៅលើវិស័យទេសចរណ៍ និងជួយជំរុញសេដ្ឋកិច្ច ប្រទេសកម្ពុជាឲ្យកាន់តែរីកចម្រើន តាមរយ:ការប្រើប្រាស់នូវយានយន្តអគ្គិសនី។
ទន្ទឹមនឹងនេះផងដែរ សម្រាប់ការសហការគ្នារវាងកម្មវិធី Miss Planet international និងក្រុមហ៊ុនម៉ូតូអគ្គិសនី យ៉ាឌា ខេមបូឌា ក៏ដើម្បីបញ្ជៀបចំណេះដឹងនូវការថែរក្សាបរិស្ថានជុំវិញខ្លួន និងកាត់បន្ថយនូវឧស្ម័នពុលទៅដល់ប្រជាជនកម្ពុជាទាំងមូល តាមរយ:ការប្រើប្រាស់ម៉ូតូអគ្គិសនី។
លោក យីវ ផាន់ណា បានបញ្ជាក់ថា ការចូលមកដល់នូវម៉ាកយីហោម៉ូតូអគ្គិសនី យ៉ាឌា គឺមានរយ:ពេលប្រមាណ ៩ខែ ដោយបច្ចុប្បន្នបានដៃគូសហការ មានទីតាំងតំណាងចែកចាយចំនួន ៥២ទីតាំង។ សម្រាប់ការធានារបស់ក្រុមហ៊ុន យ៉ាឌា សម្រាប់អាគុយមានការធានារយ:ពេល ២ឆ្នាំ ម៉ូទ័រអគ្គិសនី ៣ឆ្នាំ និងតួម៉ូតូ ៥ឆ្នាំ៕
គួរជម្រាបផងដែរថាជាមួយគ្នានេះដែរម៉ូតូ YADEA មានតម្លៃពីចាប់ ៧០០ដុល្លារឡើងទៅដោយក្នុងនោះមានម៉ូឌែលទំនើបៗជាច្រើនដែលងាយស្រួលឱ្យអតិថិជនក្នុងការជ្រើសរើស និងយកទៅប្រើប្រាស់។
សម្រាប់ក្រុមហ៊ុនយ៉ាឌាក្រៅអំពីម៉ូតូគឺមាននូវប្រភេទកង់ និងប្រភេទស្គីជាច្រើនបន្ថែមទៀត។ប្រសិនជាបងប្អូនចាប់អារម្មណ៌ជាមួយផលិតផល YADEA ឬចង់ដឹងព័ត៌មានលម្អិត អាចធ្វើការទំនាក់ទំនងតាមរយៈហ្វេកប៊ុកផេក YADEA Cambodia ឬលេខទូរស័ព្ទ 010 761 313 ។
