នេះជា MG7 ដែលជាឡានសាំង ទើបតែចេញលក់នៅលើទីផ្សារប្រទេសចិនក្នុងតម្លៃតែ ១៧៤០០ដុល្លារ ប៉ុណ្ណោះ ហើយអ្វីដែលកាន់តែពិសេស MG បានបញ្ជាក់ថា សម្រាប់អតិថិជន ១៥០០០នាក់ដំបូង នឹងទទួលបានការធានាពេញមួយជីវិត និងអត្ថប្រយោជន៍ផ្សេងៗ ទៀត។ នេះបើយោងតាមកប្រភពពីគេហទំព័រ CarNewsChina ។
MG7 ជាប្រភេទឡាន Fastback Sedan ដែលមើលឡានស្ព័រ ដោយផ្នែកខាងមុខមាននូវបាណាធំ អាចឲ្យខ្យល់ចេញចូលបានល្អ អ្វីដែលលេចខ្លាំងនោះ គឺទៅលើចង្កៀងពេលរាត្រីរាង ត្រីកោណ ១គូ និងមានចង្កៀង LED ចំនួន ១គ្រាប់សងខាងផងដែរ។
ដើម្បីធ្វើឲ្យសម្លេងឡាន MG7 នេះកាន់តែមានទឹកដម និងមានសម្រែកបានល្អ ដល់តុង MG បានបន្ថែមឲ្យបំពង់សីម៉ាំងរហូតដល់ទៅ ៤ ឯណោះ។ មួយវិញទៀតយើងក៏អាចទទួលបាននូវ Spoiler យ៉ាងស្រស់ស្អាត និងជួយកាត់បន្ថយការកកិតពីខ្យល់ដែលហៅថា Aerodynamic ។
MG7 ត្រូវបានដាក់លក់នៅប្រទេសចិន គឺមាន ២ ជម្រើស ម៉ាស៊ីនសាំង ដោយទី១ ទទួលបានម៉ាស៊ីនចំណុះ 1.5L អាចផលិតកម្លាំង 188hp និងមានកម្លាំងរមូរ 300Nm អមជាមួយប្រអប់លេខដៃ Dual Clutch ៧វគ្គ សម្រាប់ប្រអប់លេខប្រភេទនេះ ជាទូទៅ គេប្រើលើឡានស្ព័រ ដែលត្រូវការ Performance ខ្លាំង។
ចំណែកឯជម្រើសទី២ វិញ មានម៉ាស៊ីនធំជាងបន្តិច ចំណុះ 2.0L ដែលអាចផលិតកម្លាំងបានដល់ 261hp និងមានកម្លាំងរមូរ 405Nm សម្រាប់ជម្រើសទី២ នេះត្រូវបានប្រើជាមួយនឹងប្រអប់លេខប្រភេទអូតូ ៩វគ្គ ចំពោះការបង្កើនល្បឿនរត់ពីសូន្យឡើងដល់ ១០០គីឡូម៉ែត្រក្នុង១ម៉ោង ឡាននេះចាយពេលដល់ទៅ 6.5វិនាទីឯណោះ។ ដូច្នេះថ្វីត្បិតតែមើលទៅ MG7 ដូចឡានស្ព័រតែ ការពិតនៅតែជាការពិត មិនអាចបន្លំភ្នែកបានទេ MG7 នៅតែជាប្រភេទ Fastback Sedan ធម្មតាដដែលហ្នឹង។
បើយើងក្រឡេកទៅផ្នែកខាងក្នុងវិញ អ្នកទាំងអស់គ្នាប្រាដកជានិយាយលេងចេញហើយ ជាមួយឡានតម្លៃក្បែរ ២ម៉ឺនដុល្លារមួយនេះ ។ ដូច្នេះយើងដឹងហើយ MG អាចធ្វើបាន ដោយបំពាក់នូវអេក្រង់មួយផ្ទាំងធំតជាប់គ្នា រវាងអេក្រង់ឌីជីថលទំហំ 10.25 inch សម្រាប់មើលនូវកុងទ័រល្បឿននិង Feature ផ្សេងៗ និងអេក្រង់កម្សាន្ត Touchscreen ទំហំ 12.3inch ផងដែរ។
គួរជំរាបផងដែរ MG7 បច្ចុប្បន្នមានលក់តែនៅប្រទេសចិនប៉ុណ្ណោះ ពោលគឺមិនទាល់បាននាំចេញទៅកាន់ទីផ្សារក្រៅស្រុកឡើយ ហើយសម្រាប់ការនាំចូលមកកាន់កម្ពុជាវិញ ខាង MG ប្រចាំប្រទេសកម្ពុជាក៏មិនទាន់សេចក្តីប្រកាសនៅឡើយដែរ៕
ប្រភព៖ Carnewschina
អត្ថបទ៖ ព្រឹម ភក្តី
