លែងឱ្យអ្នកប្រើមានភាពសាំញ៉ាំច្រើន ប្តូរពីកម្មវិធីមួយទៅកម្មវិធីមួយទៀត ឥឡូវ Meta បានកំពុងតេស្តមុខងារថ្មី ដោយប្រម៉ូលផ្តុំបណ្តាញសង្គមដែលស្ថិតក្រោមដំបូលគ្រប់គ្រងរបស់ខ្លួនដូចជា Facebook និង Instagram មកដាក់នៅកន្លែងតែមួយ ទាំងការប្រើប្រាស់ក៏ដូចជាការបង្កើតអាខោនគឺលែងដូចមុនទៀតហើយ។
ចំពោះមុខងារនោះមានឈ្មោះថា Profile Switching ដែលអនុញ្ញតឱ្យអ្នកប្រើប្រាស់មានភាពងាយស្រួលក្នុងការផ្លាសប្តូរពីអាខោន Facebook ទៅកាន់អាខោន Instagram ក្នុងពេលតែមួយដោយមិនបាច់ចេញពីកម្មវិធីដូចមុន ប្រសិនបើអ្នកអាខោនរបស់អ្នកចូលក្នុង Account Center ។ មានន័យថា ប្រសិនបើអ្នកចូលទៅក្នុងកម្មវិធី Facebook នោះអ្នកនឹងឃើញអាខោន Instagram ក្នុងនោះដែរ ហើយប្រសិនបើអ្នកចូលទៅក្នុង Instagram ក៏ឃើញមានអាខោន Facebook ក្នុងដែរ ពោលគឺយើងអាចប្តូរអាខោនក្នុងកម្មវិធីតែមួយបាន។
លើសពីនេះទៅទៀត ក្រៅពីការប្តូរ Profile អ្នកប្រើប្រាស់ក៏អាចធ្វើការបង្កើតគណនី ផ្សេងគ្នាក្នុងកម្មវិធីតែមួយក៏បានដែរ មានន័យថា នៅក្នុងកម្មវិធី Facebook អ្នកក៏អាចបង្កើតឬ Login គណនី Instagram បាន ហើយនៅក្នុងកម្មវិធី Instagram វិញអ្នកក៏អាចបង្កើតឬ Login គណនី Facebook បានដូចគ្នា។
យ៉ាងណាមិញសម្រាប់មុខងារនេះគឺផ្តល់ភាពងាយស្រួលដល់អ្នកប្រើប្រាស់មួយកម្រិតទៀត ពោលគឺប្រសិនបើមានករណីមានការលួចចួលប្រើប្រាស់គណនីណាមួយខុសប្រក្រតី គឺវានឹងលោតឱ្យយើងដឹងភ្លាមៗតែម្តងបើទោះបីជាយើងកំពុងប្រើ Facebook ឬ Instagram ក៏ដោយ ។
គូសបញ្ជាក់ផងដែរថាសម្រាប់មុខងារ Profile-Switching គឺ Meta កំពុងតែធ្វើការតេស្តនៅលើ iOS, Android, និង Web រីឯមុខងារ Create new account and profile គឺគេកំពុងតែតេស្តនៅលើ iOS និង Android តែប៉ុណ្ណោះ ។
អត្ថបទដោយ៖ រិន មករា
