ការពីយប់ថ្ងៃទី០៥ ខែមីនា ឆ្នាំ២០២៤ ខ្ទង់ម៉ោង១០:៣០នាទី ហ្វេសប៊ុកមានការជាប់គាំងទូទាំងពិភពលោក ដោយមានការ Logout ចេញពីគណនីដោយស្វ័យប្រវត្តិ និងមិនអាច Login ចូលប្រើវិញបាន អស់រយៈពេលជាងមួយម៉ោង។
យ៉ាងណាមិញ បើតាមការចុះផ្សាយរបស់គេហទំព័រ DailyMail បានឲ្យដឹងថា ការជាប់គាំងបណ្ដាញសង្គម Facebook អស់ជាង១ម៉ោង កាលពីយប់មិញនេះ បានធ្វើឲ្យក្រុមហ៊ុន Meta ខាតលុយអស់ប្រមាណជា 100លានដុល្លារអាមេរិក ដោយសារតែតម្លៃភាគហ៊ុនសរុបដែលដាក់ឱ្យជួញដូរជាសាធារណៈរបស់ក្រុមហ៊ុន Meta មានការធ្លាក់ចុះ ១.៥%។
គួរជម្រាបផងដែរថា សម្រាប់ការជាប់គាំងនេះ តំណាងក្រុមហ៊ុន Meta គឺលោក Andy Stone ដែលជា នាយកផ្នែកទំនាក់ទំនងនៅ Meta បានឲ្យដឹងថា ការជាប់គាំងនេះគឺបណ្ដាលមកពីបញ្ហា Server ដែលធ្វើឲ្យមានផលប៉ះពាល់ដល់គណនីមួយចំនួន ប៉ុន្ដែបច្ចុប្បន្ននេះ គឺ Meta អាចក្ដោបក្ដាប់ស្ថានការណ៍ និងដោះស្រាយបញ្ហាជាប់គាំងទាំងអស់បានរួចរាល់ហើយ៕