យោងទៅតាមការចុះផ្សាយរបស់ Financial Time បានឲ្យដឹងថា នៅក្នុងការបង្ហាញពីរបាយការណ៍ចំណូលក្នុងត្រីមាសទី1 នៅឆ្នាំ 2023 លោក Mark Zuckerberg បានថ្លែងប្រាប់ទៅកាន់អ្នកវិនិយោគគ្រប់គ្នាថា នឹងបញ្ចេញមុខងារ AI (AI Agent)​ទៅកាន់មនុស្សរាប់ពាន់លាននាក់ដើម្បីធ្វើការប្រើប្រាស់។

ក្នុងនោះផងដែរចំពោះបាយការណ៍ចំណូលក្នុងត្រីមាសទី​1 នៃឆ្នាំ 2023 នេះគឺ Meta អាចរកបានរហូតដល់ 28.6ពាន់លានដុល្លារ ដែលមានការកើនឡើង​​ 3% ប្រើប្រៀបធៀបជាមួយនឹងចំណូលក្នុងត្រីមាសទី1 កាលពីឆ្នាំមុន។ លើសពីនទៅទៀតក៏មានប្រើប្រាស់ Facebook App ជាប្រចាំគឺរហូតទៅដល់ 2ពាន់លានផងដែរ។

យ៉ាងណាមិញលោក Mark Zuckerberg ក៏បានធ្វើការបង្ហាញបន្ថែមពីគោលដៅថ្មីរបស់ Meta ផងដែរថា នឹងបញ្ចេញមុខងារ AI បន្ថែមទៀតដើម្បីធ្វើឲ្យផ្លេតហ្វមកាន់តែមានអ្នកប្រើប្រាស់ច្រើនជាងមុន ជាក់ស្តែងតាំងពីពេលដែលលោកបានបញ្ចេញមុខងារ​ Short នៅលើ Instagram ដែលមានបច្ចេកវិទ្យា AI ជួយរុញពីក្រោយឃើញថាមានអ្នកចំណាយពេលនៅលើ Instagram ច្រើនជាងមុន​ដល់ទៅ 24% ឯណោះ។

លើសពីនេះទៅទៀត សម្រាប់បច្ចេកវិទ្យា​ AI ដែលលោកគ្រោងនឹងបញ្ចេញគឺជាប្រភេទ​ “Visual Creation Tool” សម្រាប់ប្រើប្រាស់ជាមួយ​ Instagram និង “AI Agents” ប្រើសម្រាប់ការធ្វើអាជីវកម្មផ្សេង។ មិនតែប៉ុណ្ណោះលោកក៏មានបំណងប្រើប្រាស់ជាមួយនឹង AI ជំនាន់ថ្មីដែលជាបច្ចេកវិទ្យាកំពុងតែដើរលឿនខ្លាំង ដើម្បីឲ្យវាមកជួយបង្កើតមាតិការ ​និងជួយធ្វើការងារផ្សេងៗទៀតបាន។

អត្ថបទដោយ៖ រិន មករា