ថ្មីៗនេះ ក្រុមហ៊ុន Mazda បានបញ្ចេញវិដេអូខ្លី អំពី Mazda CX-90 ស៊េរីឆ្នាំ២០២៤ ដោយប្រុងបង្ហាញមុខជាផ្លូវការនៅថ្ងៃទី៣១ ខែមករា ខាងមុខនេះ។
យោងតាមការចេញពីគេហទំព័រ Car and drive បានឲ្យដឹងថា Mazda CX-90 ស៊េរីឆ្នាំ២០២៤ ដែលត្រូវបានបង្ហាញមុខនៅប៉ុន្មានខាងមុខនេះ គឺមានចំនួន ២ ជម្រើសម៉ាស៊ីន ពោលគឺសម្រាប់ជម្រើសម៉ាស៊ីនទី១ ជាប្រភេទម៉ាស៊ីន Hybrid ទំហំ ៣,៣លីត្រ Turbocharge និងមានស៊ីឡាំង 6 រាងអាចបង្កើតកម្លាំងបានដល់ 340hp បូករួមជាមួយនឹងអាគុយ Hybrid ៤៨វ៉ុល ។
ដោយឡែកសម្រាប់ជម្រើសម៉ាស៊ីនទី២ គឺម៉ាស៊ីនពាក់កណ្តាល់អគ្គិសនី Plug-in Hybrid ដោយអាចសាកថ្មដូចឡានអគ្គិសនីអ៊ីចឹងដែរ ប៉ុន្តែថាមពលអាគុយតូចមួយទេ គឺតែ 17.8Kwh ដែលសាកពេញម្តងរត់បានចម្ងាយ 56Km ហើយសម្រាប់ប្រភេទម៉ាស៊ីនបជម្រើសទី២ គឺមានចំណុះ ២,៥លីត្រ ៤ស៊ីឡាំង តូចជាងប្រភេទម៉ាស៊ីនទី១ ប៉ុន្តែកម្លាំងមិនចាញ់គ្នាប៉ុន្មានទេ ដែល អាចបង្កើតកម្លាំងសេះបានរហូតដល់ ៣២៣សេះ ឯណោះ។
ដូចនេះ អ្វីដែលដែលMazda បានបង្ហើបមានតែប៉ុណ្ណឺងឯង ដូច្នេះយើងតែរងចាំទស្សនាអ្វីដែលពិសេសបន្ថែមទៀតនៅថ្ងៃបង្ហាញមុខជាផ្លូវការរបស់ Mazda CX-90 ស៊េរីឆ្នាំ២០២៤ នៅថ្ងៃទី៣១ ខែមករា ឆ្នាំ២០២៣ ខាងមុខនេះ៕
អត្ថបទដោយ៖ ព្រឹម ភក្តី
