ពិតជារំភើបជំនួសខ្លាំងមែនទែន កីឡាបាល់ទាត់ឆ្នើម ដែលទើបលើកពាន់ FIFA World Cup 2022 លោក Lionel Messi បានកម្មង់ទូរស័ព្ទ iPhone ស្រោបមាស ជូនដល់មិត្តរួមក្រុមបាល់ទាត់ជម្រើសជាតិអាហ្សង់ទីន និងបុក្គលិក ជូនម្នាក់ ១ គ្រឿង។
យោងតាមការចុះផ្សាយពីគេហទំព័រ The Sun បានឲ្យដឹងថា បន្ទាប់ពីក្រុមជម្រើសជាតិតអាហ្សង់ទីនទទួលបានជ័យជំនះលើក្រុមជម្រើសជាតិបារាំងដែលជាការប្រកួតផ្តាច់ព្រ័ត្រនៅប្រទេសកាតា FIFA World Cup 2022 ហើយថ្មីៗនេះ លោក Lionel Messi បានទិញ iPhone ស្រោបមាសចំនួន ៣៥ គ្រឿង ជូនដល់មិត្តរួមក្រុម និងបុគ្គលិកទាំងអស់នៅក្នុងក្រុមជម្រើសជាតិអាហ្សង់ទីន ទុកជាកាដូ សម្រាប់ជាការនាំជ័យជំនះដល់ប្រទេសរបស់ខ្លួន ។
គួរជំរាបផងដែរថា ទូរស័ព្ទ iPhone ត្រូវបានចំណាយក្នុង១ គ្រឿង មានមាសស្រោប ចំនួន ២៤ ការ៉ាត ស្មើនឹង £175,000 ឬជាង ២០ម៉ឺនដុល្លារ ។ ហើយគ្រប់ទូរស័ព្ទទាំងអស់ ត្រូវបានដាក់ឈ្មោះកីឡា លេខ រួមទាំងឡូហ្គូរបស់ក្រុមជម្រើសជាតិអាហ្សង់ទីន៕
អត្ថបទដោយ៖ ព្រឹម ភក្តី
