អបអរសារទ កីឡាករគុនខ្មែរ ឃុន បូរ៉ា យកបានឈ្នះមេដាយមាស ក្រោយវាយកីឡាករឡាវ SOUBINH BANXADETH សន្លប់ទឹកទី១ លើវិញ្ញាសាប្រយុទ្ធទម្ងន់ ៦៣.៥គីឡូក្រាម នៃព្រឹត្តិការណ៍ស៊ីហ្គេម លើកទី៣២ ក្នុងការប្រកួតវគ្គផ្ដាច់ព្រ័ត្រ ដែឡធ្វើឡើងនៅសាលដំរី នៃពហុកីឡដ្ឋានជាតិមរតកតេជោ។
នៅថ្ងៃទី១១ ខែឧសភា ឆ្នាំ២០២៣ ជាការប្រកួតវិញ្ញាសាគុនខ្មែរ វគ្គផ្តាច់ព្រ័ត្រនេះ ដំណ្តើមមេដាយមាស ក្នុងព្រឹតិ្តការណ៍ ស៊ីហ្គេម លើកទី ៣២ ដោយមានការប្រកួត ចំនួន ៩គូ ។ អ្វីដែលកាន់តែពិសេស ទាំង ៩គូនោះ មានការចូលរួមពីកីឡាករ និងកីឡាការិនីកម្ពុជា គ្រប់គូតែម្តង។
គួរជំរាបផងដែរថា គិតមកដល់ម៉ោងនេះ ក្នុងព្រឹត្តិការណ៍ស៊ីហ្គេម លើកទី៣២ ប្រទេសកម្ពុជាទទួលមេដាយមាសចំនួន ៤៨គ្រឿង ៕
អត្ថបទ៖ ព្រឹម ភក្តី
