ទីផ្សារហ្គេមបច្ចុប្បន្នកំពុងតែមានការពេញនិយម ដោយក្នុងនោះយើងឃើញថាភាគច្រើនជាហ្គេមរបស់បរទេសដែលបានដាក់ចែកចាយលក់ទូទាំងពិភព ប៉ុន្តែតើអ្នកមានដឹងទេថានៅប្រទេសកម្ពុជាយើងក៏មានហ្គេមមួយដែលមានលក្ខណៈប្លែកមិនចាញ់បរទេសផងដែរ ដោយហ្គេមនោះគឺមានទាំងការរួមបញ្ចូលនូវវប្បធម៌ខ្មែរពិតៗ និងលាយឡំជាមួយនឹងបច្ចេកវិទ្យាបែបថ្មីផងដែរ។
យោងទៅតាមបទសម្ភាសន៍រវាងក្រុមការងារចាបខៀវ Technology Cambodia ជាមួយនឹងលោក យក់ ស៊ីវ៉ាល់រី បានឱ្យដឹងថា បច្ចុប្បន្នលោកគឺជាស្ថាបនិករបស់ Sil Animation Studio ដែលផ្តោតទៅលើការធ្វើ 2D & 3D Animation, Motion Graphic, CGI VFX…. ជាដើមនិងគម្រោងមួយទៀតដែលលោកកំពុងធ្វើនោះគឺ ហ្គេមតែម្តង។
ចំពោះហ្គេមដែល Sil Animation Studio របស់លោកកំពុងតែអភិវឌ្ឍនោះគឺមានឈ្មោះថា <<Angkor Rise of Heroes>> ដោយសាច់រឿងនៃហ្គេមនេះគឺគេបានឆ្លុះបញ្ចាំងពី តួអង្គដែលតស៊ូ មានការបង្ហាញពីចម្លាក់បុរាណខ្មែរ ក្បាច់គុណខ្មែរនិងបង្ហាញពីវប្បធម៌អរិយ ក៏ដូចជាមានការរួមបញ្ចូលគ្នាជាមួយនឹងបច្ចកវិទ្យាបែបថ្មីផងដែរ។ លើសពីនេះទៅទៀតចំពោះកម្រិតនៃ Graphic វិញហ្គេមមួយនេះគេបានធ្វើការអាប់ឌែតដល់ជំនាន់ចុងក្រោយដែលមើលទៅស្អាតមិនចាញ់ហ្គេមល្បីៗរបស់បរទេសមួយចំនួនប៉ុន្មានទេ។
សម្រាប់គោលដៅធំនេះហ្គេមមួយនេះ លោក យក់ ស៊ីវ៉ាល់រី បានលើកឡើងថា ពេលដែលហ្គេមបែបផ្សេងព្រេង Angkor Rise of Heroes អភិវឌ្ឍបានជោគជ័យ ក៏ដូចជាលេចចេញជារូបរាងពិតប្រាដលោកនឹងដាក់វាបញ្ចូលទៅក្នុង Steam និងតំណាងចែកចាយហ្គេមមួយចំនួនទៀត ហើយចំពោះហ្គេមនេះផងដែរគឺអាចលេងបានទាំងនៅលើ PC និង Console ដែលមានដូចជា Xbox, PlayStation, និង Nintendo Switch ជាដើម។
យ៉ាងណាមិញ Angkor Rise of Heroes មួយនេះគឺបានធ្វើការចាប់ផ្តើមអភិវឌ្ឍចាប់តាំងពីឆ្នាំ2018មកម្លេះ ហើយដោយសារមានបញ្ហាមួយចំនួន ហ្គេមមួយនេះក៏បានពន្យារពេលនៃការអភិវឌ្ឍ ប៉ុន្តែលោកបានបង្ហើបថា នឹងត្រៀមដាក់ Angkor Rise of Horoes ឱ្យលេងសាកល្បងឆាប់ៗនេះហើយ។
ខាងក្រោមនេះគឺជាវីដេអូខ្លះៗក៏ដូចជារូបភាពដែលទាក់ទងជាមួយនឹងឈុតឆាកខ្លីៗដែលមាននៅក្នុងសាច់រឿងរបស់ហ្គេម Angkor Rise of Horoes ផ្ទាល់តែម្តង។
គូសបញ្ជាក់ផងដែរថាសម្រាប់ហ្គេម Demo ខាងក្រុមការងារនឹងធ្វើការដាក់លីងដើម្បីឱ្យអ្នកទាំងអស់គ្នាអាចធ្វើការ Download ប្រើប្រាស់សាកល្បងនៅដើមខែក្រោយនេះហើយ ដែលមាននៅលើផេក
អត្ថបទដោយ៖ រិន មករា