ដោយឡែកថ្មីៗនេះ ទាក់ទងជាមួយនឹង iPhone ដែលមានការធានារចេញពីក្រុមហ៊ុនគឺមានការលើកឡើងជាច្រើនជុំវិញបញ្ហាដែគេបានជួបបន្ទាប់ពីបានទិញ iPhone យកទៅប្រើហើយ បែជាមានបញ្ហាផ្សេងៗដូចជា អេក្រង់ ឬក៏កាមេរ៉ាដើម ហើយបញ្ហាទាំងអស់នេះបែជាមិនត្រូបានដោះស្រាយទៅតាមការធានារទៅវិញ ដែលជាហេតុធ្វើឲ្យអ្នកប្រើប្រាស់មួយចំនួនមានការមិនពេញចិត្ត។

យ៉ាងណាមិញ ជុំវិញបញ្ហាមួយនេះ ចាបខៀវ  Technology Cambodia ក៏បានសុំការបញ្ជាក់ពីបងស្រីដែលជាម្ចាស់ហាង PETER Phoneshop ផងដែរ ដោយគាត់បានធ្វើការបកស្រាយនិងបញ្ជាក់យ៉ាងច្បាស់ៗថា “តាមពិតទៅ ចំពោះលក្ខខណ្ឌនៃការធានាទៅលើ iPhone គឺមានច្រើន ប៉ុន្តែសម្រាប់លក្ខខណ្ឌធំៗមានដូចជា មិនធ្វើឲ្យចូលទឹក មិនធ្វើឲ្យធ្លាក់ និងមិនប្រើប្រាស់កាមេរ៉ាទូរស័ព្ទបញ្ចាំងចំភ្លើង ឡាស៊ែ ជាដើម។ ដូច្នេះប្រសិនបើយើង មិនបានប្រព្រឹត្តខុសជាមួយនឹងលក្ខខណ្ឌខាងលើ យើងទទួលបានការធានា 48ម៉ោង ប្តូរថ្មី នឹងការជួសជុលរបស់ពេលមួយឆ្នាំថែមទៀតផង” ។

បងស្រីក៏បានបន្តទៀតថា ថ្វីត្បិតតែការធានារបស់ក្រុមហ៊ុននៅក្នុងស្រុកខ្មែរនៅមានកម្រិតជាង Apple Store ដែលមាននៅប្រទេសជិតខាងយើងក៏ដោយ ប៉ុន្តែលក្ខខណ្ឌដែលគេផ្តល់ឲ្យគឺអាចទទួលយកបាន។ លើសពីនេះទៅទៀតសម្រាប់ទូរស័ព្ទ iPhone ដែលមិនមានការធានាក្រុមហ៊ុន គឺអ្នកប្រើប្រាស់នឹងទទួលបានការធានាចំពោះលក្ខណ្ឌផ្សេងៗចេញពីហាងផ្ទាល់តែម្តង។

អត្ថបទដោយ៖ រិន​ មករា