បើយោងទៅតាមការបកស្រាយរបស់ zdnet បានបង្ហាញពីហេតុផលមួយចំនួន​​ទាក់ទងជាមួយអ្នកប្រើ Case ការពារទូរស័ព្ទថា យើងបានចាយលុយច្រើនដើម្បីទិញសា្មតហ្វូនថ្មីដែលមានយីហោល្បីជាងគេតែផ្ទុយទៅវិញយើងបែជាចាយលុយបន្ថែមដើម្បីទិញ Case មកស្រោបពីលើដើម្បីបិទបាំងម៉ាកយីហោលើទូរស័ព្ទនោះទៅវិញ។

យ៉ាងណាមិញដើម្បីបញ្ជាក់ឱ្យកាន់តែច្បាស់ក្រុមហ៊ុន Apple បានបញ្ចេញវីដេអូផ្សព្វផ្សាយមួយ ដោយបានយក iPhone 13 ដាក់នៅលើកែងតុ​ដោយមិនដាក់ជាមួយនឹងស្រោមការពារនោះទេ​ ហើយធ្វើឱ្យវាធ្លាក់ដោយប្រើប្រាស់សំឡេងរំញ័រនៃការតេចូល ហើយពេលដែលធ្លាក់មក iPhone 13 គឺនៅញ័រក៏ដូចជាឮសំឡេងដដែល​។

គូសបញ្ជាក់ផងដែរថា iPhone 13 បានរុំព័ទ្ធទៅដោយស្រោមការពារប្រភេទ Ceramic ដែលវាមានភាពធនជាងកញ្ចក់ស្មាតហ្វូនដ៏ទៃទៀតឆ្ងាយណាស់​ ដូច្នេះសារដែល Apple ចង់បង្ហាញក្នុងវីដេអូនេះទៅកាន់អ្នកប្រើថា បើទោះជាទូរស័ព្ទតម្លៃថ្លៃរបស់អ្នកមិនដាក់ស្រោមការពារក៏មិនមានបញ្ហាអ្វីដែរជាមួយនឹងពាក្យមួយឃ្លាថា​ <<Relax, it’s iPhone>> ដែលមានន័យថា មិនអីទេ វាគឺជា iPhone ។ ហើយសម្រាប់វីពាណិជ្ជកម្មនោះគឺមិនមាននៅក្នុង YouTube Channel របស់ Apple តទៅទៀតទេ ឥឡូវនេះ។

អត្ថបទដោយ៖ រិន មករា