កំណែអាប់ដេត iOS 26.4 beta 4 ត្រូវបានដាក់ឱ្យប្រើប្រាស់សម្រាប់ក្រុមអ្នកអភិវឌ្ឍន៍ (Developers) នៅថ្ងៃទី ១០ ខែមីនា​ឆ្នាំ២០២៦ ហើយវារួមបញ្ចូលនូវរូប Emoji ថ្មីៗជាច្រើនសម្រាប់អ្នកប្រើប្រាស់ iPhone។ ខាងក្រោមនេះគឺជាបណ្ដុំរូប Emoji ថ្មីៗដែលនឹងមកជាមួយ iOS 26.4។

ជារៀងរាល់ឆ្នាំ ក្រុមការងារមួយដែលមានឈ្មោះថា Unicode Consortium តែងតែបោះឆ្នោតអនុម័តលើបណ្ដុំរូប Emoji ថ្មីៗ ដើម្បីដាក់បញ្ចូលទៅក្នុង iPhone ក៏ដូចជាប្រព័ន្ធដទៃទៀតដូចជា Android, Windows និងឧបករណ៍ផ្សេងៗទៀត។

ទោះបីជាបណ្ដុំ Emoji សម្រាប់ iOS 26 ត្រូវបានអនុម័តជាផ្លូវការតាំងពីពាក់កណ្តាលឆ្នាំមុនក៏ដោយ ប៉ុន្តែពេលនេះទើបពួកវាត្រូវបានដាក់បញ្ចូលទៅក្នុង iPhone តាមរយៈកំណែ iOS 26.4។ នៅក្នុងការចេញផ្សាយ beta 4 ថ្ងៃនេះ រូប Emoji ថ្មីៗរួមមាន៖

• អ្នករាំបាឡេ (Ballet Dancers)
• មុខរមួល/វៀច (Distorted Face)
• ការវាយគ្នាចេញផ្សែង (Fight Cloud)
• សត្វដែលមានរោមច្រើន (Hairy Creature)
• ការបាក់ដី (Landslide)
• ត្រីបាឡែនឃាតករ (Orca)
• ត្រុំបូន (Trombone - ឧបករណ៍តន្ត្រី)
• ហឹបកំណប់ (Treasure Chest)

ទោះបីជាបច្ចេកវិទ្យា Apple Intelligence អនុញ្ញាតឱ្យអ្នកប្រើប្រាស់ iPhone អាចបង្កើត "Genmoji" ដោយខ្លួនឯងក៏ដោយ ប៉ុន្តែ Emoji ខាងលើនេះនៅតែជាការបន្ថែមដ៏សំខាន់ ព្រោះវាជាប្រភេទ Emoji ស្តង់ដារដែលអាចប្រើប្រាស់បានគ្រប់ប្រព័ន្ធ (Cross-platform)។

ដូច្នេះ នៅពេលដែល iOS 26.4 និងកំណែអាប់ដេតផ្សេងទៀតត្រូវបានបញ្ចេញជាផ្លូវការ អ្នកនឹងអាចផ្ញើ និងទទួលរូប Emoji ទាំងនេះបានយ៉ាងងាយស្រួលនៅលើកម្មវិធីផ្ញើសារផ្សេងៗ។