យោងទៅតាម macrumors បានឲ្យដឹងថា មុខងារថ្មីៗនៅក្នុង iOS 17 ដែលនឹងចេញនៅក្នុងព្រឹត្តិការណ៍ WWDC 23 ស្អែកនេះនឹងមានការអាប់ឌែតធំក៏ដូចជាប្លែកពីរាល់ដង ជាពិសេសគឺវានឹងជួយដោះស្រាយបញ្ហាផ្សេងៗដែលកើតមាននៅលើ iPhone។

មុខងារដែលនឹងមាននៅក្នុង iOS 17

Smart Home Lock Screen

សម្រាប់មុខងារថ្មីនេះអាចគឺអាចបំប្លែង iPhone ទៅជា​ប្រភេទ Smart Home Display មានន័យថា ប្រសិនបើអ្នកឈប់ប្រើវា ហើយទុកវាចោលវានោះនៅលើអេក្រង់របស់វានឹងលោតផ្ទាំងព័ត៌មានផ្សេងៗដូចជា កាលបរិច្ឆេត អាកាសធាតុ សារ ក៏ដូចជាព័ត៌មានផ្សេងៗទៀតផងដែរ។

Control Center

នៅលើ iOS 17 នឹងមានការអាប់ឌែតច្រើនខុសមុនជាពិសេសទៅលើមុខងារ Control Center ប៉ុន្តែគេមិនទាន់ទាន់ដឹងថាមានការអាប់ទៅលើមុខងារអ្វីឲ្យជាក់លាក់នៅលើ​ Control Center នោះទេពោលគឺ គេរំពឹងថានឹងមានការផ្លាស់ប្តូរទៅលើ UI នៃ Control Center ឲ្យខុសប្លែកពីមុន។

Journaling App

សម្រាប់មុខងារនេះវិញគឺ Apple នឹងអនុញ្ញាឲ្យអ្នកប្រើប្រាស់អាចធ្វើការតាមដានរាល់សកម្មភាពប្រចាំថ្ងៃរបស់យើង ដោយវានឹងធ្វើការវិភាគទៅលើសកម្មភាពទាំងអស់នោះថាតើពេលណាយើងចំណាយពេលនៅផ្ទះច្រើន ឬពេលណាយើងចំណាយពេលនៅក្រៅច្រើន។

លើសពីនេះទៅទៀតវាអាចផ្តល់ជាជម្រើសនៃប្រធានបទផ្សេងៗដើម្បីឲ្យយើងអាចសរសេរវាចូលទៅក្នុង Journal បានថែមទៀត មិនតែប៉ុណ្ណោះវាក៏អាចដឹងពីការតេឬការផ្ញើសាររបស់យើងជាមួយនឹងមិត្តភ័ក្តិផងដែរ។

Dynamic Island

នៅក្នុង​ iOS 17 គេនឹងពង្រឹងលើមុខងារ​ Dynamic Island ដោយអាចឲ្យវាធ្វើរឿងបានច្រើនជាងមុន ដូចជាការបញ្ចូលមុខងារ​ Siri ដើម្បីឲ្យវាបង្ហាញនៅលើ​ Dyanmic Island រួមជាមួយនឹងមុខងារផ្សេងៗទៀតផងដែរ។

Support Side loading

សម្រាប់មុខងារមួយនេះគឺនឹងត្រូវបានដាក់ឲ្យប្រើមុនគេសម្រាប់អ្នកប្រើប្រាស់នៅអឺរ៉ុប ដោយគេអាច ធ្វើការទាញយកកម្មវិធីផ្សេងដើម្បីប្រើនៅក្នុង​ iPhone ដោយមិនចាំទាញចេញពី App Store ក៏បាន។

Accessibility

ចំពោះមុខងារ Accessibility នេះវិញក៏គេរំពឹងខ្ពស់ថានឹងចេញនៅក្នុង iOS 17 នេះផងដែរ ដោយក្នុងនោះវាមានមុខងារផ្សេងៗជាច្រើនទៀតដូចជា៖ Assistive Access, Personal Voice, Live Speech, Magnifier Point and Speak, Siri Speech Speed ជាដើម។

គូសបញ្ជាក់ផងដែរថា ខាងលើនេះគឺជាមុខងារធំៗដែលគេរំពឹងថានឹងមាននៅលើ​ iOS 17 ហើយក្រៅពីនេះគឺមានការអាប់ឌែតលើមុខងារផ្សេងៗជាច្រើនទៀតផងដែរ។

អត្ថបទដោយ៖ រិន មករា