ថ្មីៗនេះមានការបែកធ្លាយរូបរាងរបស់ iPhone 15 Pro តាមរយៈការចែករំលែករប់សអ្នកលេងបណ្តាញសង្គម Twitter មួយឈ្មោះថា ShrimApplePro ដោយក្នុងនោះគេបានបង្ហាញពីរូងរាង ជាពិសេសការរចនាបែបថ្មីទៅលើប៊ូតុងបិទបើកសំឡេង ប៊ូតបិទសំឡេងឲ្យស្ងាត់ជាដើម។
ក្នុងនោះផងដែរគេរំពឹងថា ប៊ូតុងបន្ថយនិងដំឡើងសំឡេងគឺលែងផ្តាច់ចេញពីគ្នាដូចមុនទៀតហើយពោលគឺមានតែមួយប៉ុណ្ណោះ ខណៈប៊ូតុង Mute ដែលជាប្រភេទប៊ូតុងរុញឡើងចុះដើម្បីឲ្យស្ងាត់និងធ្វើឲ្យឮសំឡេងគឺអាចនឹងប្តូរទៅជាប្រភេទប៊ូតុងចុចវិញបិទបើកវិញ។
លើសពីនេះទៅទៀតប៊ូតុងទាំង២នេះគឺអាចនឹងលែងជាប៊ូតុងលៀនមកក្រៅដូចមុនទៀតហើយ វាជាប្រភេទ Solid Button មានន័យថា នៅរាបស្មើជាមួយនឹងវណ្ឌជុំវិញរបស់ iPhone តែម្តង មិនតែប៉ុណ្ណោះប្រភេទប៊ូតុងនេះនឹងប្រើជាមួយនឹងប្រព័ន្ធ Haptic ដែលជាប្រព័ន្ធបញ្ជាមួយងាយស្រួលក្នុងការចុចពោលគឺហាក់បីដូចជាយើងប៉ះជាមួយនឹងប៊ូតុងលៀនចេញមកក្រៅដែរ ដែលវាស្រដៀងគ្នាជាមួយនឹងប៊ូតុង Home របស់ iPhone SE ជំនាន់ចុងក្រោយ ក៏ដូចជា Trackpad នៅលើ MacBook ផងដែរ។
More cads images
— ShrimpApplePro 🍤 (@VNchocoTaco) March 20, 2023
The buttons!
Source in video pic.twitter.com/sxy9GaNCre
ប៉ុន្តែទោះបីជាយ៉ាងក៏ដោយ នេះគ្រាន់តែជាការបែកធ្លាយរូបភាពប៉ុណ្ណោះ ចំពោះរូបរាងពិតជាក់ស្តែងយើងមិនប្រាកដថា Apple អាចនឹងរចនាបែបនេះបានឬយ៉ាងណានោះទេ។ ចំពោះអ្នកទាំងអស់គ្នាវិញគិតយ៉ាងណាដែរប្រសិន Apple រចនារូបរាង iPhone បែបនេះមែន?
អត្ថបទដោយ៖ រិន មករា
