ដូចដែលអ្នកបានដឹងហើយថាមុខងារថ្មី Crash Detection ដែលមាននៅលើ iPhone 14 Series គឺវាមានសមត្ថភាពក្នុងការ ពិនិត្យដឹងថាអ្នកប្រើប្រាស់កំពុងតែជួបគ្រោះចរាចរណ៍ឬជួបបញ្ហាណាមួយ ហើយមុខងារនេះនឹងធ្វើការតេចេញកាន់ភ្នាក់ងារសង្រ្គោះបន្ទាន់ 911 ដើម្បីប្រាប់ពីស្ថានការណ៍ដែលអ្នកប្រើប្រាស់កំពុងជួបប្រទះ។
ហើយថ្មីៗនេះ បើយោងទៅតាមការចុះផ្សាយរបស់ TheVerge បានឱ្យដឹងថា មុខងារ Crash Detections មួយនេះបានធ្វើការតេហៅទៅកាន់ 911 ខណៈពេលដែលម្ចាស់របស់កំពុងតែជិះរទេះភ្លើងហោះ( Rollercoaster) នៅសួនកំសាន្តមួយកន្លែង។
ចំពោះមុខងារថ្មីដែលបានបំពាក់នៅ iPhone 14 series នេះគឺប្រើប្រាស់ទៅដោយសេនស័រ gyroscopic រួមជាមួយនឹងការធ្វើតេស្តជាក់ស្តែង។ លើសពីនេះទៅទៀតនៅពេលដែលសេនស័រមួយនេះចាប់បានថា អ្នកកំពុងតែជួបគ្រោះថា នោះវានឹងធ្វើការហៅទៅកាន់ 911 ដោយស្វ័យប្រវត្តិ ហើយវាទុកពេលឱ្យ20វិនាទី ប្រសិនបើអ្នកមិនចុចបិទ នោះវានឹងភ្ជាប់ទំនាក់ទំនងទៅកាន់ភ្នាក់ងារ។ ដូច្នេះពេលដែលភ្ជាប់ទំនាក់ទំនងបាន វានឹងបញ្ចេញសាជាសំឡេងដើម្បីប្រាប់ទៅកាន់ភ្នាក់ងារពីស្ថានភាពក៏ដូចជាទីតាំងរបស់អ្នកជាដើម។
យ៉ាងណាមិញ ក្នុងករណីនេះវិញម្ចាស់ iPhone 14 បានធ្វើការជិះរទេះភ្លើងហោះ នៅឧទ្យានកំសាន្តមួយ ហើយមុខងារ Crash Detection ក៏បានធ្វើចាប់សញ្ញាសម្គាល់ដឹងថាមានគ្រោះថ្នាក់កើតឡើងក៏បានធ្វើការទាក់ទងទៅកាន់ 911 ភ្លាម ប៉ុន្តែមានតែសំឡេង ស្រែកហ៊ោ ស្រែកយំរួមជានឹងសំឡេងរទេះភ្លើងហោះតែប៉ុណ្ណោះ។
Since the iPhone 14 went on sale, the 911 dispatch center near Kings Island amusement park has received at least six phones calls saying:
— Joanna Stern (@JoannaStern) October 9, 2022
“The owner of this iPhone was in a severe car crash...”
Except, the owner was just on a roller coaster.
🆕 by me: https://t.co/hp1fHZBIf6 pic.twitter.com/i0lZPoWzGz
គូសបញ្ជាក់ងផងដែរ ចំពោះបញ្ហានេះមិនមែនទើបតែកើតឡើងម្តងនេះទេពោលគឺ មាន6ករណីទៅហើយដោយសារការជិះរទេះភ្លើងហោះនេះ ។
អត្ថបទដោយ៖ រិន មករា
