និយាយទៅដល់រឿង AI បច្ចុប្បន្ននេះគឺមានការរីចម្រើនខ្លាំង ដោយក្រុមហ៊ុនធំៗនៅលើពិភពលោកកំពុងតែអភិវឌ្ឍន៍ឲ្យបច្ចេកវិទ្យាកាន់តែមានសមត្ថភាពខ្លាំងទៅៗ ខណៈយើងជាអ្នកប្រើប្រាស់វិញក៏ត្រូវការបច្ចេកវិទ្យាមួយនេះដើម្បីមកជួយការងារប្រចាំថ្ងៃផងដែរ ដោយក្នុងនោះគឺមានវេបសាយ AI ដែលមានប្រយោជន៍ជាច្រើនដែលយើងអាចចូលទៅប្រើបាន។
ដោយឡែក ប្រសិនបើយើងធ្វើការស្វែងវេបសាយ AI ដែលមានប្រយោជន៍ទាំងនោះម្តងមួយៗគឺប្រាកដជាចំណាយពេលយូរខ្លាំង ដូច្នេះថ្ងៃនេះ ចាបខៀវ នឹងមកប្រាប់អ្នកទាំងអស់គ្នាពីកន្លែងមួយដែលយើងអាចចូលទៅប្រើប្រាស់ AI Tools រាប់ពាន់ប្រភេទផ្សេងៗគ្នាដោយមិនអស់លុយថែមទៀតផង។
របៀបប្រើ
- ចូលទៅកាន់វេបសាយមួយឈ្មោះថា Hugging Face
- បន្ទាប់ពីចូលទៅកាន់វេបសាយនោះរួចហើយ យើងអាចចុចលើពាក្យថា Spaces
- ដូច្នេះវានឹងបង្ហាញ AI Tools ជាច្រើនដើម្បីឲ្យយើងជ្រើសរើសដូចជា៖ ការបង្កើតរូបភាព, បង្កើតវីដេអូ, ប្តូរមុខ និង Tools ជាច្រើនទៀត
- ដើម្បីប្រើបានគ្រាន់តែចុចលើ Tools ណាមួយរួចធ្វើតាមការណែនាំដែលគេបានបង្ហាញជាការស្រេច
- លើសពីនេះទៅទៀតអ្នកទាំងអស់គ្នាក៏អាចស្វែងរក Tools ផ្សេងទៀតដោយខ្លួនឯងក៏បានដែរនៅលើកន្លែង Search
- ដូច្នេះអ្នកទាំងអស់គ្នាអាចប្រើប្រាស់ AI Tools ផ្សេងៗនៅក្នុងវេបសាយមួយនេះបាន
អត្ថបទដោយ៖ រិន មករា
