យ៉ាងណាមិញការប្រើប្រាស់តែ Auto Mode នៅមិនទាន់គ្រប់គ្រាន់សម្រាប់ ការថតរូបភាពទៅតាមការចង់បាននៃភាពច្នៃប្រឌិតរបស់អ្នកថតនៅឡើយទេ។ ដូច្នេះអ្នកថតមិនអាចមើលរំលងមុខងារទាំងបីនេះបានទេ នោះគឺ ISO Aperture និង Shutter Speed  ឬយើងស្គាល់ថាជា Exposure Triangle។  

តើអ្វីទៅគឺជា  Exposure Triangle? 

ចំពោះ Triangle Exposure សំដៅដល់ការគ្រប់គ្រងពន្លឺដោយមិនអោយ ងងឹតពេក ( Underexposure) ឬក៏មានពន្លឺខ្លាំងពេក  (Overexposure) ដោយប្រើប្រើប្រាស់មុខងារទាំង៣ គឺ ISO Aperture និង Shutter Speed ។ 

• Aperture

តើអ្វីទៅគឺជា​ Aperture ? 

អ្នកប្រហែលជាធ្លាប់ឃើញរូបភាព ដែលច្បាស់ខាងមុខ និងមានសភាពព្រៀលផ្នែកខាងក្រោយ ឬមួយទៀតមនុស្សមានសភាពច្បាស់ ប៉ុន្តែផ្ទៃខាងក្រោយមានសភាពព្រៀល និងមានគ្រាប់មូលៗ ឬយើងហៅបានថា Bokeh ផងដែរ។

ដូច្នេះ Aperture គឺជាអ្នកគ្រប់គ្រងភាពព្រាល និងភាពច្បាស់របស់រូបភាពនោះឯង។ យើងជារឿយៗ ប្រាកដជាបានឃើញតម្លៃលេខនៅក្នុងកាមេរ៉ា អាចជា f/1.4  f/2.8  f/11  f/22 ជាដើម។ ដែលតម្លៃទាំងអស់នេះអាចកំណត់ពីភាព ច្បាស់ និងភាពព្រៀលរបស់រូបភាព។

បើកាលណាទំហំរបស់ Aperture កាន់តែធំ ( f/1.4  f/2.8 ) នោះភាពព្រាលរបស់រូបភាព ឬការដាច់ចេញរបស់ Object ជាមួយ Background ក៏កាន់តែខ្លាំង។ ផ្ទុយទៅវិញបើកាលណាតែ Aperture កាន់តែតូច ( f/11 f/22 ) នោះរូបភាពនឹងកាន់តែមានជម្រៅ និងមើលកាន់តែច្បាស់ផងដែរ។  ជាងនេះទៅទៀតសម្រាប់ Aperture ក៏ជាផ្នែកមួយនៃពន្លឺផងដែរ បើកាលណា Aperture កាន់តែធំពន្លឺចូលទៅកាន់រូបភាពក៏កាន់តែច្រើនឡើងផងដែរ។  

• Shutter Speed 

បើនិយាយពី Shutter Speed យើងអាចគិតទៅដល់ល្បឿននៃការចាប់យករូបភាព។ ដូចដែលអ្នកទាំងអស់គ្នាធ្លាប់ឃើញរូបភាពព្រៀលៗ ឬយើងហៅថា Motion Blur។ 

ភាគច្រើនយើងអាចឃើញបាននៅតម្លៃលេខ Slow Shutter Speed អាចមានតម្លៃលេខ 1/2   1/5  1/10  ជាដើម។ រីឯ Fast Shutter Speed វិញអាចកំណត់ការចាប់យករូបភាពដែលមានល្បឿនលឿនៗ ឬ ធ្វើអោយរូបភាពកាន់ តែមានសភពច្បាស់នៅពេល Object ធ្វើចលនា អាចជាការប្រណាំងរថយន្តជាដើម ក្នុងនោះ Shutter Speed អាចមានតម្លៃលេខ 1/500  1/1000 ជាដើម។

មួយវិញទៀតការកំណត់ Shutter Speed ក៏ប៉ះពាល់ដល់ការគ្រប់គ្រងពន្លឺផងដែរ SLow Shutter Speed មានពន្លឺចូលកាន់តែខ្លាំងដល់រូពភាព ផ្ទុយទៅវិញ Fast Shutter Speed ធ្វើអោយរូបភាពដែលថតចេញកាន់តែមានពន្លឺតិចផងដែរ។

• ISO

បើនិយាយដល់ ISO យើងប្រាកដជាមិនភ្លេចទេគឺភាព ងងឹត និងភាពមានពន្លឺរបស់រូបភាពដែលបានថតចេញ។

តែក្រៅពីពន្លឺ ISO ក៏ជួយអោយរូបភាពមានសភាពថ្លាផងដែរ។ ISO ទាបធ្វើអោយរូបសភាពថ្លាតែមានពន្លឺចូលបានតិច ISO ខ្ពស់ធ្វើអោយរូពភាពមានពន្លឺ តែបើខ្ពស់ពេក រូពភាពអាចបណ្តាលទៅជាមាន Noise ឬយើងនិយាយបានថា Digital Noise ឬមួយវិញទៀត ISO ខ្ពស់ពេកអាចបណ្តាលអោយរូបភាពមានសភាពឆេះផងដែរ។

អរគុណសម្រាប់ការចំណាយពេលអានអត្ថបទមួយនេះ ហើយខ្ញុំសង្ឃឹមថាវាអាចជាផ្នែកមួយក្នុងការជួយអ្នកទាំងអស់គ្នាស្វែងយល់ពីការថតរូបភាព។ 

អត្ថបទដោយ៖ ឆាំ ចំណាន