ហើយមុខងារនេះត្រូវបានក្រុមហ៊ុន Samsung បញ្ចេញវាតាំងពីជំនាន់ Galaxy Note 20 និង Note 20 Ultra មកម្លេះ ដោយមុខងារមួយនេះគឺប្រើប្រាស់ជាមួយនឹងបច្ចេកវិទ្យា Bluetooth LE (Low Energy) និង UWB(Ultra-Wideband) ដែលវាអាចស្វែងរកឧបករណប្រើប្រាស់របស់ Samsung ជាច្រើនដូចជា៖ ស្មាតហ្វូន, Galaxy Earbud, Smartwatches, ឬ Tablets ជាដើម។

ដូច្នេះខាងក្រោមនេះគឺជារបៀបក្នុងការចូលទៅប្រើមុខងារ SmartThings Find ដើម្បីស្វែងរកឧបករណ៍ប្រើប្រាស់របស់អ្នក ជាមួយនឹងដំណាក់កាលខាងក្រោម។

ដំណាក់កាលទី1

• គ្រប់ឧបករណ៍ប្រើប្រាស់របស់ត្រូវ Sign in ជាមួយនឹង Gmail ដូចគ្នា
• បន្ទាប់មកចូលទៅគណនីនៅក្នុងទូរស័ព្ទរបស់អ្នកហើយចុចលើពាក្យ Find my mobile ឬពាក្យ SmartTings Find
• បន្ទាប់មកទៀតបើកមុខងារ Offline finding ដើម្បីឱ្យទូរស័ព្ទឬឧករណ៍ប្រើប្រាស់ផ្សេងទៀតធ្វើការស្វែងរកបានបើទោះបីជាវាមិនមានអិនធឺណេតក៏ដោយ

ដំណកាលទី2

• ចូលទៅកាន់មុខងារ Find my mobile ឬ SmartThings Find ដដែល
• បន្ទាប់ចុចលើលីងដែលវាដាក់ឱ្យ(samsung.com)
• រើសម៉ូដែលស្មាតហ្វូនឬឧបករណ៍ប្រើប្រាស់ដែលអ្នកចង់ស្វែងរក
• បន្ទាប់មកវានឹងបង្ហាញជម្រើសផ្សេងៗដើម្បីឱ្យអ្នកជ្រើសរើ​សដូចជា៖ Ring, Lock, Track location, Erase data, Back up, និងជម្រើសជាច្រើនទៀតរួមជាមួយការបង្កើនប្រសិទ្ធភាពថ្មពីចម្ងាយដើម្បីកុំឱ្យវារលត់ផងដែរ។

ដូច្នេះអ្នកទាំងអស់គ្នាអាចសាកប្រើប្រាស់ជាមួយនឹងងារខាងលើបានដើម្បីស្វែងរកឧបករណ៍ប្រើប្រាស់មួយណាដែលអ្នកបានបាត់​ ហើយសូមបញ្ជាក់ផងដែរថា អ្នកទាំងអស់គ្នាក៏គួរតែប្រុងប្រយ័ត្ននិងចេះការពារដោយខ្លួនឯងដើម្បីចៀសវាងមានបញ្ហាដោយប្រការណាមួយ។

អត្ថបទដោយ៖ រិន មករា