អ្នកប្រើ iPhone មួយចំនួនប្រាកដជាបានដឹងមកហើយចំពោះមុខងារ Back Tap ដែលអាចឱ្យយើងប៉ះរូបផ្លែប៉ោមផ្នែកខាងក្រោយនៃខ្នងទូរស័ព្ទ ហើយបញ្ជាវាឱ្យបើកមុខងារជាច្រើនដែលមាននៅក្នុង iPhone តែម្តង ហើយមែនទែនទៅសម្រាប់មុខងារមួយនេះគឺ Apple បានដាក់ឱ្យប្រើប្រាស់តាំងពី iOS 14 មកម្លេះ។
ថ្ងៃនេះ Technology Cambodia នឹងនាំអ្នកទាំងអស់គ្នាចូលទៅបើកមុខងារ Back Tap មួយនេះ ថាតើយើងអាចបញ្ជាវាឱ្យធ្វើអ្វីបានខ្លះ? ហើយសម្រាប់មុខងារនេះចែកចេញជា2 គឺ Double Tap, Triple Tap មានន័យថា ប៉ះ2ដងដើម្បីបញ្ជា និងប៉ះ3ដងដើម្បីបញ្ជា។
- ចូលទៅកាន់ Setting>Accessibility>Touch
- អូសចុះក្រោមបន្តិចយកពាក្យថា Back Tap
ដំណាក់កាលទី2
- ដល់ចំណុចនេះអ្នកនឹងឃើញពាក្យថា Double Tap និង Triple Tap
- បើចង់ប៉ះ2ដងដើម្បីបញ្ជាគ្រាន់តែចុចលើពាក្យ Double Tap ហើយរើសមុខងារណាមួយដែលអ្នកចង់ប្រើ ជាការស្រេច ឧទាហរណ៍ មុខងារ Screenshot ដូចក្នុងរូបខាងក្រោម
- មួយវិញទៀតបើចង់ប៉ះ3ដងដើម្បីបញ្ជាគ្រាន់តែចុចលើពាក្យ Triple Tap ហើយរើសមុខងារដែលចង់បញ្ជាជាការស្រេច
- ដូច្នេះមុខងារទាំង2ខាងលើគឺបានដំណើរការ ហើយរាល់ពេលដែលអ្នកប៉ះរូបផ្លែប៉ោមឆែបនៅផ្នែកខាងក្រោយ នោះវានឹងទៅបើកមុខងារដែលបានកំណត់រួច។
អត្ថបទដោយ៖ រិន មករា