ដូច្នេះថ្ងៃនេះ ខ្ញុំនឹងនាំយកគន្លឹះមួយដែលអនុញ្ញាតឲ្យយើងអាចចូលមើលសារណាដែលគេបានលុបហើយ មិនថានៅក្នុង Telegram ឬ Messenger នោះទេ។

របៀបចូលទៅប្រើប្រាស់

សម្រាប់ Messenger

• ចូលទៅកាន់ Play Store រួចទាញយកអេបមួយឈ្មោះថា Unseen Messenger
• ចូលទៅកាន់អេបនោះរួចចុចលើពាក្យ Enable Notification ហើយចុចបើក Useen Messenger
• បន្ទាប់ពីចុចហើយ ថយទៅក្រោយវិញម្តងរួចចុចពាក្យ Continue រួចចុចលើពាក្យ Enable Permission
• ចុងក្រោយចុចលើពាក្យ Continue ម្តងទៀតជាការស្រេច

ដូច្នេះអ្នកអាចចូលមើលសារដែលគេលុបចេញពីក្នុង Messenger បានហើយ មានន័យថាវាធ្វើការថតទុករាល់ Notification ទាំងអស់ដែលលោតក្នុង Messenger ប៉ុន្តែសូមបញ្ជាក់ផងដែរថា សម្រាប់អេបមួយនេះគឺអាចថតទុកបានតែសារជាអក្សរប៉ុណ្ណោះ សម្រាប់សារជាសំឡេងគឺវាមិនអាចថតទុកបានទេ។

សម្រាប់ Telegram

• ចូលទៅកាន់ Playstore រួចទាញយកអេបមួយឈ្មោះថា Unseen- No last Seen
• ចូលបើកអេបនោះរួចចុច Next ហើយចុចលើពាក្យ​ Give Authorization
• បន្ទាប់មកចូលទៅបើកដំណើរការអេប Unseen ហើយត្រឡប់ទៅក្រោយវិញ

ដូច្នេះអ្នកទាំងអស់គ្នាអាចប្រើអេបនេះបានហើយ ប៉ុន្តែបើវាមិនទាន់ចាប់បានសារដែលគេបានផ្ញើចូលអ្នកអាចធ្វើការចូលទៅលុប Clear App History ចេញសិនចាំចូលម្តងទៀតក៏បានដែរ ទើបវាអាចធ្វើការថតទុករាល់សារដែលគេបានលុបចោលក្នុង Telegram ។

គូសបញ្ជាក់ផងដែរថាសម្រាប់អេបទាំងនេះគឺដំណើរតែនៅលើ Android តែប៉ុណ្ណោះ ម្យ៉ាងទៀតអ្នករាល់គនណីទាំងអស់អ្នកគួរតែដាក់មុខងារការពារ ២ជាន់ទើបជាការប្រសើ ហើយសូមប្រើអេបទាំងនេះដោយការទទួលខុសត្រូវ។

អត្ថបទដោយ៖ រិន មករា