ថ្ងៃនេះចាបខៀវ Technology Cambodia និងនាំអ្នកទាំងអស់គ្នាទៅដឹងពីវិធីសាស្រ្តមួយចំនួនក្នុងការលុបផ្ទៃ Background ចេញពីរូបភាព​បានលឿនៗ លុបម្តងបានច្រើនរូបក្នុងពេលតែមួយ មិនបាច់ប្រើ​វេបសាយឬ App ដើម្បីជំនួយ​។ អ្នកទាំងអស់គ្នាអាចអនុវត្តបានរយៈវិធីសាស្រ្តខាងក្រោមនេះ៖

សម្រាប់អ្នកប្រើ iPhone សេរីខ្ពស់មួយចំនួនគឺមានមុខងារមួយឈ្មោះថា​ Lift Object ដែលវាអាចឱ្យយើងទាញយករូបដែលមិនជាប់ Background នៅពីក្រោយបានភ្លាមៗដោយគ្រាន់តែចុចលើរូបនោះឱ្យជាប់ប៉ុន្តែប្រសិនបើយើងចង់លុបបែបនេះឱ្យបានច្រើនរូបក្នុងពេលតែមួយវិញយើងត្រូវធ្វើដូចខាងក្រោម។

ដំណាក់កាលទីមួយ

• Select លើរូបណាមួយដែលអ្នកចង់លុបមិនថា 10រូប 20រូប ឬច្រើនជាងនេះទេ
• បន្ទាប់មកចុចលើសញ្ញាព្រួញនៅខាងឆ្វេងផ្នែកខាងក្រោម
• ហើយចុចទៅលើពាក្យ Save to file រួចរើសកន្លែងដាក់

ដំណាក់កាលទី2

• ចូលទៅកាន់​ File ហើយចូលទៅកាន់ Folder ដែលអ្នកបានដាក់អំបាញ់មិញ
• Select លើរូបភាពទាំងអស់នោះ
• ចុចលើសញ្ញាត្រេបីនៅខាងក្រោមរួចចុចលើពាក្យ Remove Background ជាការស្រេច
• ដូច្នេះរូបជាច្រើនដែលអ្នកបាន Select គឺត្រូវបានលុប Background ចេញពីរូបភាពទាំងអស់តែម្តង

សម្រាប់ Android

បច្ចុប្បន្នសម្រាប់ប្រភេទូរស័ព្ទ Samsung ដែលបានឡើងដល់ One UI 5.1 គឺមានមុខងារ Lift Object ដូចគ្នាជាមួយ​នឹង iPhone ដែរ ដោយយើងអាចលុបផ្ទៃ Background ចេញពីរូបភាពបានភ្លាម ដោយគ្រាន់តែយកដៃចុចលើរូបភាពនោះឱ្យជាប់ ហើយអ្នកទាំងអស់គ្នាអាចធ្វើការ​ Save វាក៏ដូចជាផ្ញើរទៅណាក៏បាន។

គូសបញ្ជាក់ផងដែរថាមុខងារលុប Background ចេញពីរូបភាពប៉ុន្មានចំណុចខាងលើនេះមិនដំណើរការគ្រប់ស្មាតហ្វូន ទាំងអស់នៅលើ iPhone ឬនៅលើ Android នោះទេពោលគឺវាដំណើរការតែនៅតែស្មាតហ្វូនសេរីខ្ពស់មួយចំនួន​និងស្មាតហ្វូនដែលបានឡើងដល់ Version ខ្ពស់តែប៉ុណ្ណោះ។

ដូច្នេះប្រសិនបើស្មាតហ្វូនអ្នកទាំងអស់គ្នាមិនទាន់អាចប្រើមុខងារនេះបានទេគឺអ្នកទាំងអស់គ្នាអាចប្រើប្រាស់ជាមួយនឹងវេបសាយឬ App ផ្សេងៗសិនក៏បាន។

អត្ថបទដោយ៖ រិន មករា