ជាទូទៅ Facebook អាចបិទ (Disable) គណនីរបស់អ្នកដោយសារមូលហេតុជាច្រើន ដែលទាក់ទងនឹងការបំពានគោលការណ៍សហគមន៍ (Community Standards) របស់ Facebook។ ដូច្នេះមកដឹងពីអាខោន ៣ ប្រភេទងាយជាប់ Disable បំផុតរួមមាន៖
១./គណនីក្លែងក្លាយ ឬមិនពិតប្រាកដ (Fake Accounts): ប្រើឈ្មោះ ព័ត៌មាន រូបភាពក្លែងក្លាយ, បង្កើតគណនីច្រើនហួសហេតុ, ឬក្លែងបន្លំជាអ្នកដទៃ។
២./ គណនីបង្ហោះមាតិកាបំពានធ្ងន់ធ្ងរ (Severe Violation Content): បង្ហោះ Hate Speech, Harassment, អំពើហិង្សាជាក់ស្តែង, មាតិកាផ្លូវភេទ, ព័ត៌មានមិនពិត បោកប្រាស់, ឬបំពានកម្មសិទ្ធិបញ្ញា។
៣./ គណនីធ្វើសកម្មភាពដូច Bot ឬ Spam (Bot/Spam): ធ្វើសកម្មភាពច្រើនហួសហេតុក្នុងពេលខ្លី (Friend Request, Messaging, Liking, Commenting), ប្រើឧបករណ៍ស្វ័យប្រវត្តិកម្មខុសច្បាប់, ឬចូល Log In ពីទីតាំងច្រើនខុសប្រក្រតី ឬអាខោនច្រើនលើ Device តែមួយក៏អាចមានអាខោនណាមួយប្រឈមនឹងការ Disable បានដែល។ ជាពិសេសខមមិនច្រើនលើសលប់ និងដដែលៗ Copy ហើយយកទៅ Past បន្តនេះគឺហានិភ័យណាស់ ហ្វេសប៊ុកនឹងមិនចាប់ភ្លាមៗនោះទេតែបើច្រើនដងច្រើនសារគឺក្រុមហ៊ុននឹងធ្វើតាមវិធានការ។
ដំណោះស្រាយភ្លាមៗតើគួរធ្វើយ៉ាងណា? គួរតែយកមកវិញ ឬទុកចោល? ចំណុចនេះយកមកបាន ឬមិនបានវាអាស្រ័យលើអាខោនដែលអ្នកបានជាប់គាំងថាតើមានអ្វីដែលបង្ហាញទៅ Facebook ថាអាខោនអ្នកមានព័ត៌មានគ្រប់គ្រាន់ក្នុងការទាញយកមកវិញដែរ ឬទេ!
នៅពេលគណនីត្រូវបាន Disable (បិទ) ដំណោះស្រាយសំខាន់បំផុតគឺការដាក់ពាក្យប្ដឹងតវ៉ា (Appeal) ទៅ Facebook៖
១./ ការដាក់ពាក្យប្ដឹងតវ៉ា (Appeal) សម្រាប់គណនីដែលត្រូវបានបិទ៖
- ស្នើសុំការពិនិត្យឡើងវិញ៖ ព្យាយាម Log In ហើយចុច ស្នើសុំការពិនិត្យឡើងវិញ (Request a Review) ដែលលេចឡើងពេលមានសារបិទគណនី។
- បញ្ជាក់អត្តសញ្ញាណ៖ ធ្វើតាមការណែនាំរបស់ Facebook អាចតម្រូវឲ្យផ្ទុកឡើងឯកសារផ្លូវការ (អត្តសញ្ញាណប័ណ្ណ ឬលិខិតឆ្លងដែន)។
- ប្រើជំនួយ ដូចជា Email ដែលបានភ្ជាប់៖ ពិនិត្យ Meta Help Center ឬអាចប្រើ Email ដូចជា disabled@fb.com ដើម្បីដោះស្រាយ។
២./ ការការពារគណនីដែលមិនទាន់ត្រូវបានបិទ៖
- កែសម្រួលព័ត៌មាន៖ ប្រើឈ្មោះពិត និងត្រូវប្រាកដថាព័ត៌មានសំខាន់ៗត្រឹមត្រូវ។
- បើក 2FA៖ ប្រើ Two-Factor Authentication ដើម្បីការពារការលួចចូល
- ជៀសវាងសកម្មភាពស្ប៉ាម (Spam): កុំធ្វើសកម្មភាពលឿនហួសហេតុដូចជាការ Add Friends ច្រើនអាខោនក្នុងពេលតែមួយ ឬផ្ញើសារច្រើនក្នុងពេលតែមួយ។
- ពិនិត្យគុណភាពគណនី៖ សម្រាប់គណនីអាជីវកម្ម សូមពិនិត្យ Account Quality ក្នុង Ad Manager។
គូសបញ្ជាក់ផងដែរថា ប្រសិនបើអាខោនគណនីរបស់អ្នកទាំងអស់គ្នាបានបំពេញព័ត៌មានផ្ទាល់ខ្លួនជាផ្លូវការក៏ដោយ បើអ្នកទាំងអស់គ្នាបានប្រើប្រាស់ខុស ហ្វេសប៊ុកប្រាកដជាចាប់ហើយ មិនមែនចាប់ភ្លាមៗនោះទេ គឺក្រុមហ៊ុនអាចមានជាការព្រមាន ២ ទៅ ៣ ដងតាមរយៈ Notification ឬ Email របស់អ្នកទាំងអស់គ្នា នោះវានឹងអាចជាប់រយៈពេល ១៨០ ថ្ងៃតាមការកំណត់ និងគោលការណ៍ហ្វេសប៊ុក។
