ប្រុងប្រយ័ត្ន! បើមានសញ្ញា ៣ នេះលើ Facebook អ្នក មានន័យថាគេកំពុងលួចអាខោនអ្នកប្រើយ៉ាងសេរី

ជាទូទៅអាខោនហ្វេសប៊ុកដែលបានភ្ជាប់ជាមួយ Gmail តែងតែមានសុវត្ថិភាពជាងអាខោនទូទៅដែលភ្ជាប់ជាមួយលេខទូរស័ព្ទ តែក្នុងករណីអ្នកប្រើប្រាស់បានភ្ជាប់ជាមួយ Email ដែលខ្សោយមិនមានមុខងារការពារខ្លាំងក៏នៅតែរងការហានិភ័យផងដែរ ដូច្នេះមកដឹងពីសញ្ញាទាំង ៣ នេះដែលបង្ហាញថាអាខោន Facebook របស់យើងកំពុងត្រូវបានគេលួចចូលប្រើប្រាស់។

Facebook2

អាខោនហ្វេសប៊ុកដែលភ្ជាប់ជាមួយ Email ៖ ជាទូទៅនៅពេលដែលយើងភ្ជាប់អាខោនហ្វេសប៊ុករបស់យើងជាមួយ Email នោះរាល់ការជូនដំណឹងផ្សេងៗអំពីហ្វេសប៊ុកដូចជាឆាត សកម្មភាពយើងប្រើប្រាស់នៅលើហ្វេសប៊ុកជាដើម វានឹងបង្ហាញក្នុង Gmail របស់យើង។ ដូច្នេះប្រសិនបើអ្នកទាំងអស់គ្នាទទួលបានសារមួយដែលលោតលើគណនី Gmail របស់យើងដោយមានពាក្យថា Security alert: login near… on a new device ពីខាង Facebook ដែលមានសញ្ញាធីក នោះមានន័យថា នរណាម្នាក់កំពុងព្យាយាមចូលអាខោនហ្វេសប៊ុករបស់យើងហើយ ប្រសិនបើម្នាក់នោះមិនមែនជាយើង និងជាជនមិនស្គាល់មុខទេត្រូវចុចពាក្យខាងក្រោម This wasn't me យ៉ាងលឿនបំផុត។ ក្នុងនោះក៏បានបង្ហាញពីទីតាំង, Device, ម៉ោង និងថ្ងៃពីជនដែលព្យាយាម login ចូលផងដែរ។

ស្រាប់តែលោតលេខកូដ ៦ ខ្ទង់ដោយមិនដឹងខ្លួនតាមរយៈ Gmail និង Notification Facebook នេះសរបញ្ជាក់ថាមាននរណាម្នាក់បានកំពុងវាយ Email របស់អ្នកទាំងអស់គ្នាចូល ដែលស្ថិតក្នុងដំណាក់កាលទី ២ ប្រសិនក្នុងករណីថាជននោះបានស្គាល់ ឬដឹងលេខកូដ ៦ ខ្ទង់នោះហើយ វាជារឿងហានិភ័យមួយជំហានទៀតដែលគេអាចចូលបានដោយងាយស្រួល ហើយការចូលបាននេះអាចជាការ Hack, ការទទួលបានព័ត៌មានពីម្ចាស់អាខោនហ្វេសប៊ុក, រ៉ាវត្រូវ (កម្រនឹងមាន), ការជ្រុះបាត់ទូរស័ព្ទដែលមានទ្និន័យគ្រប់គ្រាន់ដល់ដៃអ្នករើសបាន, អាខោនហ្វេសប៊ុកមិនបានភ្ជាប់ជាមួយ Email ដែលខ្លាំងជាដើម។

Change Pw

ដូច្នេះជៀសវាងកុំឲ្យជននោះចូលគ្រប់គ្រងអាខោនយើងបានត្រូវប្រញ្ញាប់ដូរ Password ជាបន្ទាន់តាមដែលអាចធ្វើទៅបាន ដោយអ្នកទាំងអស់គ្នាចូលទៅកាន់ Menu រួចចូលទៅកាន់ Settings ដោយយកពាក្យថា Password and security រួចចុចពាក្យ Change Password និងចុចលើអាខោនរបស់យើង បន្ទាប់មកទៀតវាយ Password ចាស់ចូលជាមុនសិនសឹមវាយ Password ថ្មីចូល និងវាយ Password ថ្មីម្តងទៀតនៅក្រឡោនទី ៣ (Re-type password) រួចចុច Change Password ជាការស្រេច។
ប្រសិនបើអ្នកសង្កេតឃើញមានឧបករណ៍ចម្លែកដែលមិនស្គាល់ប្រភពកំពុងប្រើប្រាស់អាខោនរបស់អ្នក អ្នកត្រូវប្រញាប់លុបវាចេញជាបន្ទាន់តាមរយៈមុខងារ Settings & Privacy ក្នុងកម្មវិធី Facebook។ ដំបូង ចូលទៅកាន់ Settings រួចប្រើប្រាស់ប្រអប់ស្វែងរកដោយវាយពាក្យថា Security Checkup ដើម្បីចូលទៅកាន់ Account Center រួចបន្តទៅផ្នែក Password and Security។ នៅទីនោះ អ្នកនឹងឃើញបញ្ជីឧបករណ៍ទាំងអស់ដែលកំពុងឡុកចូល (Log in) ដូចជា iPhone, Samsung ឬ Windows PC រួមជាមួយទីតាំង និងពេលវេលាច្បាស់លាស់។ ប្រសិនបើសង្ស័យលើឧបករណ៍ណាមួយ អ្នកគ្រាន់តែចុចលើ Select Devices រួចជ្រើសរើសឧបករណ៍នោះ ហើយចុចពាក្យ Log out ជាការស្រេច ដើម្បីការពារសុវត្ថិភាពអាខោនរបស់អ្នកពីការលួចប្រើប្រាស់ដោយខុសច្បាប់។

Facebook02

គូសបញ្ជាក់ផងដែរថា រាល់ការព្យាយាម Login ណាមួយដែលមិនមែនជាយើងនុះកម្មវិធីហ្វេសប៊ុកនឹងផ្តល់ដំណឹងដល់យើងតាមរយៈ Notifications

Facebook និងតាមរយៈ Gmail ដែលយើងបានភ្ជាប់ជាមួយអាខោនហ្វេសប៊ុក។

នៅអត្ថបទបន្ទាប់ខ្ញុំនឹងប្រាប់ពីវិធីការពារអាខោនហ្វេសប៊ុកឲ្យមានសុវត្តិភាពជាងមុន

និងមិនងាយមាននរណាចូលលេងបានក្រៅពីយើងម្ចាស់អាខោន។

ទ្រាំលែងបាន! លោក Elon Musk ដាក់ពាក្យប្តឹងទារសំណងពីម្ចាស់ក្រុមហ៊ុន ChatGPT ខណៈនេះជាចំនួនទឹកប្រាក់

ចៀសឲ្យផុត! ហាមដាច់ខាតតភ្ជាប់ VPN ២ ប្រភទនេះឲ្យសោះ

ឆែកមើលផង! អ្នកពូកែភ្ជាប់លីង Telegram ផ្តេសផ្តាស់ប្រញាប់ចូលផ្តាច់ចេញភ្លាម

រៀនចិន អង់គ្លេស ជប៉ុន តាមកន្លែង ២ នេះតិចនិកបង្រៀនល្អ ឆាប់ចេះអានចេះនិយាយ និងឥតគិតថ្លៃ

លុបចេញភ្លាម! អ្នកកំពុងប្រើ Android តិចច្រឡំ Download កម្មវិធី ៣ នេះ ផ្ទុកមេរោគខ្លាំងណាស់