យ៉ាងណាមិញ​ ឃើញ Google ឌឺគេចុះឡើងៗស្រាប់តែចង់ឆ្លងរូបរាងតាមគេដែរ​ ដោយសារតែថ្មីនេះមានព័ត៌មានបែកធ្លាយជាច្រើនបានបង្ហាញពីរូបរាងរបស់ Google Pixel 9, Pixel 9 Pro XL ដែលត្រៀមចេញនៅក្នុងខែ​៨ ខាងមុខនេះ​ ប៉ុន្តែអ្វីដែលសំខាន់​ Google ផ្ទាល់ក៏បានបញ្ចេញវីដេអូបង្ហាញពីរូបរាងឲ្យយើងឃើញមុនដោយខ្លួនឯងផងដែរ​។

លើសពីនេះទៅទៀត បើមើលទៅលើរូបរាងរបស់វាគឺខុសដាច់ឆ្ងាយពី Pixel 8 Series​ ជំនាន់មុនមែនទែន​ ដោយសារតែគែមរបស់វាគឺទៅជាជ្រុងអស់ហើយ លែងកោងមូលទៀតហើយ​ ទាំងខាងលើនិងខាងក្រោម ​ចំពោះបន្ទះកាមេរ៉ាដែលគេបិតវានៅពីក្រោយវិញ​ក៏មើលទៅលែងជាប់គ្នាពីឆ្វេងដល់ខាងស្តាំដូចមុនហើយពោលគឺ គេជាសាច់វាសងខាងក្រឡឹងវាឲ្យកោងមើលទៅដូចលៀនចេញមកក្រៅ ស្រដៀងគ្នាជាមួយនឹង Pixel Fold ដែរ។

ចំពោះ Pixel 9 Pro XL គេដាក់កាមេរ៉ា3គ្រាប់ ហើយសម្រាប់​ Pixel 9 គឺមាន 2 គ្រាប់ លើសពីនេះទៅទៀត ក៏មានដំណឹងថា Google អាចនឹងធ្វើការផ្លាស់ប្តូរ​បច្ចេកវិទ្យា​ Under Display fingerprint Sensor ទៅជា Ultrasonic Fingerprint Sensor វិញ ដែលមានន័យថាវាដំណើរការលឿនជាងមុនគ្រាន់តែប៉ះទៅៗតែម្តងពេលដែលយើងស្កេនមិនចាំបាច់សង្កត់ទេ​។