នៅក្នុងពីធីបើកការប្រកួតនេះគឺមានវត្តមានចូលរួមរបស់ថ្នាក់ដឹកនាំក្រុមហ៊ុន ជីបម៉ុង​ ជើងខ្លាំងប្រណាំងឡានជាច្រើនរូប Influencers ល្បីៗនៅក្នុងប្រទេសកម្ពុជា​ ក្រុមរាំ The Blink រួមទាំងភ្ញៀវកិត្តយសជាច្រើនទៀតដែលបានចូលរួមកំសាន្តនិងលេងហ្គេមយករង្វាន់ក៏ដូចមានសកម្មភាពសប្បាយៗផ្សេងៗទៀតផងដែរ។

សម្រាប់ការប្រកួតប្រណាំងឡាន Go-Kart ដ៏ធំដំបូងបង្អស់នៅក្នុងប្រទេសកម្ពុជាមួយនេះគឺនឹងប្រព្រឹត្តទៅចំនួន៣ថ្ងៃ ដោយក្នុងនោះវគ្គជម្រុះធ្វើឡើងចំនួន២ថ្ងៃ គិតចាប់ពីថ្ងៃទី១៩ ដល់ថ្ងៃទី២០ ខែតុលា និងវគ្គផ្តាច់ព្រ័ត្រគឺធ្វើឡើងនៅថ្ងៃទី២៧​ ខែតុលាឆ្នាំ២០២៤ខាងមុខនេះហើយ។ ចំពោះទីលាននៃការប្រណាំងគឺនឹងធ្វើឡើងនៅ Neo Go-Kart នៅក្នុងផ្សារទំនើប Chip Mong 271 Mega Mall ជាន់ទី3 ផ្ទាល់តែម្តង​។​

គូសបញ្ជាក់ផងដែរថាសម្រាប់ម្ចាស់ជើងឯកដែលចូលក្នុងការប្រកួតប្រណាំងឡាន Go-Kart Indoor មួយនេះនឹងទទួលបានជាមួយនឹងរង្វាន់ជាច្រើន ដោយក្នុងនោះមានរង្វាន់ជាទឹកប្រាក់ $1,800 ទទួលបានការជិះ Helicopter ដើម្បីទស្សនាទីក្រុងភ្នំពេញ ក៏ដូចជានៅមានរង្វាន់ផ្សេងៗជាច្រើនទៀត​សម្រាប់កីឡាករណាដែលអាចយកជ័យជំនះបាននៅក្នុងការប្រកួតមួយនេះ។

យ៉ាងណាមិញ ដើម្បីកុំឲ្យខកខានការទស្សនា​ការប្រកួតប្រណាំងឡាន​ដ៏ធំមួយនេះ លោកអ្នកអាចធ្វើការតាមដាននៅលើផេកផ្លូវការរបស់ Neo Game Oasis និង Neo Go-Kart បានផងដែរ។