មែនទែនទៅមុខងារនេះមានយូរដែរហើសនៅលើ Facebook ដែលមានឈ្មោះថា Take A Break ដែលអនុញ្ញាតឲ្យយើងធ្វើការដកខ្លួនក៏ដូចជាសម្រាកពីអ្នកដ៏ទៃដោយលែងឃើញការផុស ការស៊ែឬ Notification ផ្សេងរបស់ Friends យើង។

របៀបបើកមុខងារ Take A Break

• ចូលទៅកាន់ Facebook
• បន្ទាប់មកស្វែងរកឈ្មោះនរណាម្នាក់ដែលយើងចង់សម្រាកពីអ្នកនោះ
• ហើយចុចលើពាក្យ Friend រួចរើសយកពាក្យ Take a Break

បន្ទាប់មកវានឹងនាំយើងទៅកាន់ផ្ទាំងមួយទៀត ដោយក្នុងនោះវាមានមុខងារ៣ដើម្បីឲ្យជ្រើសរើស

ជម្រើសទី១

• យើងអាចរើសបានថាតើ យើងចង់ឃើញគេនៅលើ Facebook រហូតដែរឬទេ? ឬក៏កំណត់កន្លែងដើម្បីឲ្យវាបង្ហាញ និងមានមានជម្រើស Block ឬ Unfriend ចោលតែម្តង។

ដូច្នេះប្រសិនយើងចង់សម្រាកពីគេមួយរយៈលែងចង់ដឹង លែងចង់ឃើញ លែងចង់ឮអ្វីទាំងអស់គឺគ្រាន់តែចុចលើពាក្យ Limit where you see [ឈ្មោះ] Profile ជាការស្រេច។

ជម្រើសទី២

• ក្នុងជម្រើសទី២នេះគឺយើងអាចឲ្យយើងកំណត់នូវរាល់ផុសដែលចេញពីយើងទៅគឺមិនឲ្យគេឃើញលុះត្រាតែយើង Tag​​​ ឲ្យគេតែម្តង។

ជម្រើសទី៣

• សម្រាប់ជម្រើសចុងក្រោយនេះគឺ ទាក់ទងជាមួយនឹងផុសពីមុនៗ ថាតើអ្នកចង់ឲ្យវាលោតមកម្តងទៀតឬយ៉ាង ដូច្នេះវាអាស្រ័យលើយើងអ្នកកំណត់។

អត្ថបទដោយ៖ រិន មករា